I mbyllur për 48 vjet, misteri i dollapit të Pele në stadiumin e Santos/ Brenda tij, një objekt sekret

4 Janar 2023, 08:14, Sport CNA

I mbyllur për 48 vjet, misteri i dollapit të Pele në stadiumin e

Ajo e Pele, i lindur si Edson Arantes do Nascimiento, ishte një nga figurat më ikonike në historinë e futbollit. Një legjendë e aftë për të shënuar 740 gola në ndeshjet zyrtare, mes Brazilit, Santos dhe New York Cosmos, klubi me të cilin e mbylli karrierën. Pa folur për 3 kampionatet botërore të fituara me Selecao (1958, 1962 dhe 1970), që e bëjnë atë mbajtës absolut të këtij rekordi. Edhe jashtë fushës, madhështia e Pele ndihej. Një jetë intensive e formuar nga gola, arritje e histori legjendare. Një histori, ajo e kampionit brazilian, e karakterizuar nga një atmosferë magjie që ka magjepsur dhe vazhdon të magjepsë botën, edhe pas vdekjes së tij. E këtë herë vjen në vëmendje historia misterioze e dollapit të dhomave të zhveshjes te Santos.

Në këtë kuptim, janë treguar episode dhe kuriozitete të ndryshme për mitin e Pele. Më misteriozi është historia e një dollapi: ai i dhomës së zhveshjes te Santos, brenda stadiumit Vila Belmiro. Faktet datojnë që në 2 tetor 1974. Pas ndeshjes kundër Ponte Pretës, Pele vendosi diçka brenda një kutie. Më pas e futi kutinë brenda dollapit, të cilit i hoqi çelësin. Identiteti i objektit ka mbetur gjithmonë mister me vullnetin e Pele, i cili kishte treguar qëllimin e tij për ta mbajtur të fshehtë. Ndeshja kundër Ponte Preta përkoi me paraqitjen e tij të fundit për Santos, me të cilën Edson Arantes do Nascimiento shënoi 643 gola në 660 ndeshje.

Askush, as brenda klubit, nuk është në dijeni të natyrës së misterit që rrethon dollapin. Për më tepër ai është i pahapur kurrë që nga viti 1974. Askush nuk e ka çelësin. Me kalimin e viteve dollapi i është nënshtruar mirëmbajtjes, por ka mbetur gjithmonë i paprekur. Një objekt, ai i fshehur nga Pele, që kontribuon, për ta bërë figurën e tij edhe më magjike.

Mbrojtësi i Santos Andrès Rueda ka folur lidhur me këtë: “Nuk kemi menduar kurrë ta hapim. Do të flasim me familjen dhe do të shohim se çfarë të bëjmë”. Dollapi është një nga atraksionet e përfshira në turin kushtuar 10 së përjetshme karioka brenda muzeut të Santos. Rogerio Zilli, kuratori i koleksionit, ka shtuar edhe më tej misterin: “Ai thoshte gjithmonë se përderisa klubi do ta mbante, do të kishte pasur shumë fat”.