web counter
LEXO PA REKLAMA!

SHKARKO APP

App Store
Google Play

E fundit!

x

Tre gola, dy kartonë të kuq, çfarë ndodhi në ndeshjen Lazio-Cagliari?

5 Nëntor 2024, 09:08, Sport CNA
Tre gola, dy kartonë të kuq, çfarë ndodhi në ndeshjen
Lazio

Të hënën Serie A uli siparin e javës së 11-të.

Lazio-Cagliari u mbyll me rezultatin 2-1, me miqtë që këtë takim e mbyllën me nëntë lojtarë.

Sfida e luajtur në “Olimpico” u zhbllokua në minutën e dytë nga Dia, që kaloi vendasit në avantazh.

Megjithatë në fund të fraksionit të parë, në minutën e 41’ Luvumbo barazoi për Cagliari-n.

Ky takim vazhdoi me barazimin 1-1 deri në minutën e 76’, kur Zaçagni shënoi me penallti golin e dytë dhe të fitores së Lazio-s.

Më tej, kjo sfidë ndryshoi faqe, me Cagliari-n që mbeti me nëntë lojtarë në minutën e 78’, kur Mina dhe Adopo u ndëshkuan me kartonët e dytë të verdhë dhe i lanë miqtë në inferioritet.

Në fund 2-1, me Lazio-n që renditet në vend të pestë me 22 pikë, teksa Cagliari renditet në vend të 16-të me nëntë pikë.

Ndërkohë dy sfidat e pasdites prodhuan dy gola, Empoli-Como u mbyll me rezultatin 1-0, me golin e vetëm që e realizoi Pellegri në minutën e 47’.

Pas javës së 11-të, Empoli renditet në vend të 11-të me 14 pikë, ndërsa Como në vend të 15-të me nëntë pikë.

Parma-Genoa përfundoi me rezultatin 0-1, me golin e vetëm që realizoi Pinamonti në minutën e 79’.

Pas këtij takimi, Parma renditet në vend të 14-të me nëntë pikë, teksa Genoa në vend të 17-të me nëntë pikë./CNA





Lajmet e fundit nga