E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Trajneri i Skënderbeut: Do të luftojmë për pikët, formacionin do ta vendos sot

30 Shtator 2023, 13:57, Sport CNA

Trajneri i Skënderbeut: Do të luftojmë për pikët,

Trajneri i Skënderbeut, Ivan Gvozdenoviç

Skënderbeu pas rikthimit tek fitorja në ndeshjen e transfertës së luajtur në mesjavë, kërkon që të vijojë me rezultate pozitive edhe në javët në vazhdim. Edhe në kushtet kur në fundjavë do të jetë Partizani kundërshtari i tyre.

Trajneri i Skënderbeut, Ivan Gvozdenoviç është shprehur i lumtur për rikthimin tek rezultatet pozitive dhe një gjë të tillë e shfaq, por nga ana tjetër kërkon hapur përqëndrim dhe maksimumin nga të tijët.

Në konferencen për shtyp para mediave, trajneri i Skënderbeut flet për reagimin e ekipit dhe vijimësinë e duhur për ndeshjet e mbetura të kampionatit.

“Ndeshja me Partizanin: 100% është e vështirë. Edhe java e parë ishte e vështirë, edhe java e 6 kundër Partizanit, edhe kampionati shqipëtar është i vështirë. Për mua është një ndeshje shumë e bukur sepse është derbi, jemi brenda Korçës me tifozë dhe jam i sigurt se do të bëjmë një atmosferë shumë të bukur, dhe do të përgatitemi mirë për të qenë gati për nesër. Do të luftojmë për pikët. Kemi respekt për ekipin e Partizanit është ekip kampion i vitit të kaluar ka shumë cilësi brenda ekipit por prapë i kemi studiuar mirë dhe jemi gati për nesër.

Sa i përket formacionit vetëm Randi është jashtë sepse ka 4 kartona. Sot kemi stërvitjen e fundit dhe do shikojmë çfarë do bëjmë. Do luajmë me të njëjtën skemë apo jo, do ta vendos sot. Kemi lojtarë gati dhe do zëvendësoj pozicionin e Randit. Është një mungesë për ne sepse ai është një lojtar titullar, por kjo është situata do shikojmë anën pozitive. Sot do provoj të gjithë lojtarët në fushë dhe pastaj do marr vendim. Uçe është federuar zyrtarisht pasi për Erzenin nuk ishte federuar, por ishte me ne për të parë ambjentin dhe skuadrën. Do e shikoj Uçen sepse është një sulmues i shkathët, deri tani kemi sulmues te mirë si Rashica, Nikaj, etj por ai është i fortë, i shpejtë dhe i mirë me kokën. Ne kemi sulmues po Uçe ka të tjera cilësi, sulmues i gjatë që mund të mbajë topin, mund të gjuajë me kokë ndërsa 5 sulmuesit e tjerë kanë cilësi të tjera.

Kritika për ndeshjen e kaluar ishte e drejtë sepse ishim në moment të vështirë dhe nuk ishim mirë, për mua kundër Teutës ishim dobët me Kukësin ishim pak më mirë por prapë nuk ishte ajo që donim ne. Ekipi reagoi shumë mirë kundër Erzenit kemi rregulluar shumë gjëra dhe jam i kënaqur nga ana psikologjike pasi për mua ishte një problem i vogël dhe do shikojmë si do vazhdojmë. Jemi në rrugën e duhur dhe do të shohim nesër si do vazhdojmë”, deklaroi Gvozdenoviç.

Skënderbeu pas 6 javësh të luajtura ndodhet në vendin e tretë të renditjes me 9 pikë. Korçarët presin Partizanin, kampion në fuqi nga sezoni i kaluar me shpresën e një rezultati pozitiv në këtë ndeshje shtëpie./ CNA