web counter
LEXO PA REKLAMA!

SHKARKO APP

App Store
Google Play

E fundit!

x

“Plas” te Tirana, luftë e ftohtë mes drejtuesve dhe trajnerit. Shkak bëhen ndërhyrjet në formacion

30 Shtator 2023, 10:14, Sport CNA

Në 25 shtator tekniku i Tiranës Orges Shehi ka festuar 46 vjetorin e lindjes e si është e natyrshme, kanë vërshuar mesazhet e urimit, ku çuditërisht mungon ai që duhej të ishte i pari: urimi i Tiranës. Janë fotot e ndeshjes së fundit, pesë ditë më parë dhe postimi ngushëllues për humbjen e ish-kampionit bardheblu Osman Mema. Nga trajneri nuk duket gjurmë... E pra, në faqen zyrtare klubi ka qenë gjithnjë i kujdesshëm për të uruar ditëlindjen edhe të lojtarëve që pak e kanë parë fushën. I fundit urim për ditëlindje, sidoqoftë, ishte ai i kapitenit Najdovski.

Të jetë harresë e patëkeq urimi i Shehit? Nuk duket edhe aq, të paktën jo nëse është e vërtetë se dy të dhëna bëjnë një provë. Humbja në javën e pestë kundër Erzenit mjaftoi që në sipërfaqe të dalin të gjithë skorjet e një konflikti të brendshëm, që nuk është i ri. Pas 2-2 në Niko Dovana kundër Teutës, në javën e dytë të kampionatit, u kuptua një lloj pakënaqësie e teknikut ndaj presioneve që vinin nga majat e drejtimit të klubit.

Sipas Rtsh, mes presidencës dhe stafit teknik të Tiranës po zhvillohet një luftë e ftohtë e heshtur, por që ka nxjerrë majën e ajsbergut pas debaklit me Erzenin. Në thelb janë zgjedhjet për formacionin titullar, për të cilat Shehi nuk pranon asnjë ndërhyrje, ashtu si është normale të jetë. Atmosfera te bardhblutë nuk është ajo më e mirë, ftohtësia e mardhënieve mes palëve është e dallueshme, ndaj dhe është e vështirë të perceptohet si "harresë" mungesa e urimit të ditëlindjes.





Lajmet e fundit nga