web counter
LEXO PA REKLAMA!

SHKARKO APP

App Store
Google Play

E fundit!

x

Trajneri i Çekisë: Turp që nuk fituam, nga gabimi ynë i dhuruam golin e barazimit Shqipërisë

8 Shtator 2023, 11:44, Sport CNA

Trajneri i Çekisë: Turp që nuk fituam, nga gabimi ynë i

Çekia dhe Shqipëria nuk shkuan më shumë se barazimi 1-1 mes tyre në Pragë. Një sfidë që për kuqezinjtë është sa një fitore duke pasur parasysh se luhej në transfertë dhe ndaj kryesuesve të Grupit E.

Gjithsesi nga krahu tjetër kjo përballje nuk kënaq aspak çekët, të cilët humbin mundësinë për t’u shkëputur në krye të grupit. Trajneri i vendasve, Jaroslav Silhavy, këtë barazim do ta quante turp, pasi ia falën Kombëtares shqiptare golin e barazimit.

“Padyshim që humbëm dy pikë. Jemi të zhgënjyer, djemtë hynë kokulur në dhomat e zhveshjes. Shënuam dy gola, vetëm një ia vlente. Pas gabimit tonë, i ofruam kundërshtarit një gol barazimi, por më pas nuk mundëm ta kthenim ndeshjen në favorin tonë, është turp, duhet të kishim fituar.

Si e shpjegoni paraqitjen e dobët në pjesën e parë? Edhe ne u befasuam nga kjo. Ishim gati për ndeshjen, e dinim se sa e rëndësishme ishte. Por pastaj u dukëm të nervozuar, pati pak zënka. Fatkeqësisht, pjesa e parë nuk na funksionoi fare. Jam i lumtur që u përmirësuam dhe u paraqitëm më mirë në të dytën.

Diferenca me 1 pikë mes skuadrave? Fatkeqësisht, kemi vetëm një pikë diferencë. Kualifikimi ka ende punë. Shqipëria luan me Poloninë, pastaj shkojmë në Shqipëri… Është turp që nuk fituam këtu”, ka përfunduar Silhavy.





Lajmet e fundit nga