web counter
LEXO PA REKLAMA!

SHKARKO APP

App Store
Google Play

Tokë në Arabinë Saudite për organizimin e Superkupës, zbulohen akuzat për Luis Rubiales-in

26 Mars 2024, 13:00, Sport CNA

Tokë në Arabinë Saudite për organizimin e Superkupës,

Nuk kanë fund telashet për ish-presidentin e Federatës Spanjolle, Luis Rubiales, i cili duhet të mbrohet nga disa akuza të rënda.

46-vjeçari, i hetuar për korrupsion dhe pastrim parash, akuzohet se ka organizuar Superkupën e Spanjës në Arabinë Saudite, në këmbim të tokës për të ndërtuar hotele në këtë vend.

Akuzat janë ngritur pas hetimit të detajuar ndaj Rubiales-it.

Sipas asaj që raportojnë mediat spanjolle, Rubiales ka përfituar tokë në Arabinë Saudite, për ta dërguar atje organizimin e Superkupës së Spanjës.

Në qendër të hetimit është dëshmia e dhënë më 15 nëntor të vitit 2022 nga xhaxhai dhe ish-shefi i kabinetit të kryesisë në Federatën e Futbollit, Juan Rubiales, i cili dha dorëheqjen nga posti për shkak se nuk ishte dakord me drejtimin e nipit. Hetimet nisën edhe pas denoncimit të paraqitur në organet gjyqësore, për kontratat e nënshkruara nga Luis Rubiales, me ndërmjetësimin e kompanisë "Kosmos" të ish-futbollistit të Barcelonës, Gerrard Pique, për transferimin e Superkupës në Arabinë Saudite.

Nga ky hetim i nisur, deri tani janë bërë shtatë arrestime, por edhe disa persona të tjerë janë nën hetim. Luis Rubiales nuk është në mesin e të arrestuarve, sepse ndodhet në residencën e tij në Republikën Dominikane, shtet që nuk ka marrëveshje me Spanjën për ekstradimin.

Policia kontrolloi shtëpinë e tij në Granada, për kontrata dhe dokumente, që lidhen me hetimin e nisur ndaj ish-presidentit. Këto akuza për Rubiales-in vijnë vetëm pak muaj, pas një tjetër skandali, ku puthi në buzë lojtaren e Spanjës, Hermoso.

Megjithatë, në atë kohë, Rubiales shpëtoi mirë vetëm duke u shkarkuar nga posti i presidentit të Federatës, ndërsa tani rrezikon arrestimin me burg.





Lajmet e fundit nga