web counter
LEXO PA REKLAMA!

SHKARKO APP

App Store
Google Play

Biletat e fundit për Europian, tri përballjet interesante të ditës së sotme

26 Mars 2024, 12:55, Sport CNA

Biletat e fundit për Europian, tri përballjet interesante të

Këtë të martë, do të luhen tri ndeshje interesante, ku do të përcaktohen edhe kombëtaret e fundit për Europianin.

Gjeorgjia pret në shtëpi Greqinë, në një sfidë ku spektakli është i garantuar. Të dyja kombëtaret ëndërrojnë Europianin dhe gjithçka do të përcaktohet në sfidën e sotme mes tyre. Për të mbërritur deri këtu, kombëtarja helene eliminoi Kazakistanin, në një ndeshje që nuk kishte shumë histori, e mbyllur me rezultatin 5-0. Gjeorgjia në krahun tjetër kaloi Luksemburgun, me rezultatin 2-0.

Padyshim, vëmendja më e madhe do të jetë në supersfidën Uells-Poloni. Dy kombëtare që jemi mësuar t’i shohim shpesh në kompeticione si Europiani, por këtë verë, vetëm njëra do të marrë pjesë. Kjo përballjen sheh uellsianët si vendas, pasi kaluan me sukses Finlandën me rezultatin 4-1. Në krahun tjetër, pasi u la jashtë nga Shqipëria në grupin e kualifikueseve, Polonia do të kërkojë Europianin nga “play off”-i. Pasi mposhtën Estoninë, polakët kërkojnë kualifikimin edhe ndaj Uellsit, diçka që nëse nuk arrihet, do të konsiderohej si dështim i madh për kombëtaren, ku luajnë shumë futbollistë të njohur.

Nuk është më pak interesante edhe sfida mes Ukrainës dhe Islandës. Ukrainasit shihen si favoritë në këtë përballje, por ndaj islandezëve nuk do të jetë e lehtë. Mjafton të kujtojmë se Islanda mposhti me shifrat e thella 1 me 4 Izraelin, për të mbërritur deri këtu dhe nuk do të jetë e lehtë.

Ndërkohë, dramatik ishte kualifikimi i Ukrainës, që pak minuta nga fundi dukej e eliminuar. Bosnja udhëhiqte 1-0 deri pak minuta para fundit, kur ukrainasit përmbysën gjithçka.

Priten tri përballje spektakolare dhe të luftuara deri në sekondën e fundit.





Lajmet e fundit nga