web counter
LEXO PA REKLAMA!

SHKARKO APP

App Store
Google Play

Ten Hag e mbyll me Manchester United, dy alternativa për stolin

13 Prill 2024, 12:06, Sport CNA

Sezoni aktual, do të jetë i fundit për trajnerin Erik Ten Hag, në drejtimin e Manchester United. Cikli i trajnerit holandez në klubin anglez, duket se është mbyllur dhe në verë do të largohet.

Rezultatet e skuadrës, nuk janë pritur mirë nga drejtuesit e klubit, që kanë vendosur të largojnë trajnerin.  Ten Hag, mund ta shpëtonte vetëm kualifikimi në Champions League për sezonin e ardhshëm, por kjo duket shumë e vështirë, për shkak të pozitave në tabelë.

Pas 31 javëve kampionat, United mban vendin e gjashtë në renditje me vetëm 49 pikë, plot 11 pikë më pak se Aston Villa dhe Tottenham, që ndodhen në zonën “Champions”.

Rezultatet negative, por edhe atmosfera aspak pozitive në dhomat e zhveshjes, duket se kanë mbushur kupën e drejtuesve. Largimi i Ten Hag, duket i pashmëngshëm dhe ka nisur puna për gjetjen e trajnerit të ri.

54-vjeçari ka pasur dorë të lirë në merkato, por shumë nga afrimet e tij, kanë dështuar. Ten Hag, u ul në stolin e United në vitin 2022, ndërsa aventura duket se do të mbyllet pas dy sezoneve. Ai ka kontratë deri në vitin 2025, ndërsa klubi duhet t’i paguajë 11 milionë euro, për ndërprerjen e kontratës.

Alternativat për stolin e “djajve” nuk mungojnë, me dy trajnerë që duken në krye të listës. Bëhet fjalë për ish-trajnerin e Chelsea-t, Graham Potter dhe teknikun aktual të Anglisë, Gareth Southgate.

Ky i fundit ka një kontratë me Federatën Angleze, që përfundon në dhjetor dhe për të shkëputur para kohe bashkëpunimin pas Europianit, duhet të pahuhet një shumë prej 800 mijë euro.

Gjithashtu, sipas raportimeve të fundit, ka pasur një takim mes drejtuesve të United dhe trajnerit Potter, por nuk dihet nëse është arritur apo jo një marrëveshje mes palëve.





Lajmet e fundit nga