E fundit!

19:36 Aktualitet

"Nuk kemi asnjë pikë takimi me Librazhdin"/ Qyetarët e Prrenjasit në protestë kundër planit për "Territorialen"

Qytetarët e Përrenjasit po zhvillojnë ditën e sotme një pr...

Skënderbeu nis merkaton, arrin zyrtarisht akordin me mesfushorin nga Gana

14 Dhjetor 2022, 09:38, Sport CNA

Skënderbeu nis merkaton. Arrin zyrtarisht akordin me Randi Dumfur. Ai bëhet kështu afrimi i parë, ndonëse vetëm në janar pritet që të marrë rrugën drejt Shqipërisë.

Ganezi që kreu fazën përgatitore të verës me bardhekuqtë, nuk ka nevojë as për federim. Ai vazhdon të jetë i regjistruar me korçarët që nga sezoni i shkuar, ndonëse do t‘i duhet që të nënshkruajë kontratë.

E vjetra i ka skaduar me kohë dhe kur vendosi që të ikte, ishte lojtar i lirë. E thënë ndryshe: kurdo që të vijë, do të jetë i gatshëm për Ivan Gvozdenoviç. Duket pak e çuditshme në fakt, por është pikërisht kështu.

Randi Dumfur e ka të vlefshëm regjistrimin në FSHF si lojtar i Skënderbeut. Ai kurrë nuk arriti që të kalonte zyrtarisht te grekët e Episkopit, ekip i Kategorisë së Dytë.

Kujtojmë që ai zhvilloi fazën përgatitore në Shqipëri me bardhekuqtë, ndërsa priste që t’i dilte viza. Ardjan Takaj e lejoi që lojtari të stërvitej me ekipin, derisa të zgjidhej historia e letrave të punës. Ishte mesi i shtatorit kur më në fund erdhën lajme nga toka helene dhe 22-vjeçari iku.

Randi shkoi në Greqi, por kurrë nuk arriti të bëhej zyrtarisht pjesë e ekipit në fjalë. Me shpresën se gjithçka mund të rregullohej për çështjen e letrave, lojtari u kthye në Ganë. E megjithatë, priste ende që helenët ta njoftonin që ta merrnin. Por kjo nuk ndodhi asnjëherë.

Në momentin që Skënderbeu mori vesh që nuk u aktivizua kurrë tek ekipi i ri, e kontaktuan dhe i ofruan ribashkimin. Ai ishte gati që të vinte edhe direkt, vetëm se këtë herë u bë pengesë viza e punës.

Ajo i kishte skaduar në muajin shtator, ndaj duhet të bënte kërkesë për ta rinovuar.Pasi arritën akordin me afrikanin, klubi ka filluar menjëherë procedurat për ta pajisur me vizë.

Kjo gjë kërkon pak kohë, pasi në Ganë nuk ka ambasadë shqiptare për aplikim dhe janë të detyruar që të aplikojnë në Egjipt.

Në kushte të tilla pritet që në fillim të muajit janar gjithçka të jetë gati. Me të marrë vizën, Randi do të bashkohet me ekipin për pjesën e mbetur të sezonit.