web counter
LEXO PA REKLAMA!

SHKARKO APP

App Store
Google Play

Skënderbeu dhe Dinamo ngjiten zyrtarisht në Superiore, zhgënjen Flamurtari. Ja rezultatet në Kategorinë e Parë

23 Prill 2023, 17:14, Sport CNA

Skënderbeu dhe Dinamo ngjiten zyrtarisht në Superiore, zhgënjen

Kategoria e Parë ka mbyllur javën e saj të 24-të me surprizat që nuk munguan. Skënderbeu mundi pa probleme Turbinën në transfertë me rezultatin e thellë 0-4, duke u ngjitur zyrtarisht në Superiore.

Dinamo u mposht në transfertë nga Lushnja me rezultatin 2-1, me këtë të fundit që shpreson te mbijetesa. Nga ana tjetër blutë u ngjitën gjithashtu në Superiore, kjo falë gafës së Flamurtarit dhe falë fitores 3-0 në tavolinë që do të marrin javën e ardhshme përballë Tërbunit.

Vlonjatët u mposhtën në shtëpi nga Tomori me rezultatin 0-1 dhe kështu llogaritë tashmë duhet t’i bëjnë në fazën “play-off”.

Fitore të rëndësishme morën dhe Apolonia e Oriku. Fierakët mundën në shtëpi Besëlidhjen me rezultatin 3-1 duke u futur në zonën “play-off”, ndërsa Oriku triumfoi në transfertë me Besën me rezultatin 0-1 dhe kështu vazhdon të shpresojë te mbijetesa.

Sa i përket sfidës Korabi-Burreli u mbyll në barazimin pa gola.

REZULTATET:

Apolonia 3-1 Besëlidhja

24′, 26′ Umejiego, 39′ Omeri/ 65′ Bruka

Besa 0-1 Oriku

55′ Kasaj

Flamurtari  0-1 Tomori

75′ Hida

Korabi  0-0 Burreli

Lushnja  2-1 Dinamo

45’+1′ , 89′ Camko/81′ Prodani

Turbina  0-4 Skënderbeu

20′ Liço, 60′, 64′ Abukabari, 88′ Abdul





Lajmet e fundit nga