web counter
LEXO PA REKLAMA!

SHKARKO APP

App Store
Google Play

Skënderbeu bën goditjen e radhës, vjen një mesfushor nga kampionati italian

22 Qershor 2023, 15:06, Sport CNA

Skënderbeu bën goditjen e radhës, vjen një mesfushor nga

Skënderbeu bën goditjen e radhës në merkato, duke afruar një mesfushor difensiv, që plotëson më shumë këtë repart. “Panorama Sport” raporton se bëhet fjalë për nigerianin 23-vjeçar Mario Rabiu, i cili ka gjetur akordin me drejtuesit e merkatos bardhekuqe dhe mund të quhet zyrtarisht një futbollist i Skënderbeut për sezonin e ardhshëm.

Me një karrierë të nisur në Nigeri, Rabiu ka kaluar më pas në futbollin italian, ku ka ndryshuar katër ekipe mes Serisë C dhe B. Fillimisht ai është bërë pjesë e Modenës, për të kaluar më pas te Groseto, e së fundmi te Viterbese në Serinë C italiane.

Në sezonin e fundit, të zhvilluar me këtë ekip, i ardhur si një lojtar në merkaton e dimrit, Rabiu zhvilloi 10 takime. Prej sezonit të ardhshëm do të veshë ngjyrat bardhekuqe, duke debutuar kështu në kampionatin shqiptar.

Me Mario Rabiun, Skënderbeu kompleton mesin e fushës, teksa për momentin pritet të shihet edhe situata e lojtarëve që kanë qenë pjesë e korçarëve në sezonin e kaluar dhe që u ka skaduar kontrata. Gjithsesi, një pjesë e mirë e boshtit të ekipit të Skënderbeut për vitin e ardhshëm duket se është ndërtuar tashmë.





Lajmet e fundit nga