web counter
LEXO PA REKLAMA!

SHKARKO APP

App Store
Google Play

“Prisni skuadër për vendin e pestë ose gjashtë”: Moggi numëron gabimet e Juventusit dhe sponsorizon Taren

22 Qershor 2023, 11:26, Sport CNA

“Prisni skuadër për vendin e pestë ose gjashtë”:

Në një intervistë të gjatë dhënë për kanalin "S x 2" në "YouTube", Luciano Moggi, foli për Juventusin e ardhshëm. Ish-drejtori i përgjithshëm i bardhezinjve nuk është se u ka dhënë shumë shpresa tifozëve të "Zonjës së Vjetër". Sipas Big Luciano, klubi po bën një sërë zgjedhjesh të gabuara që do të komprometojnë sezonet në vijim. E sigurisht duke filluar nga ai i radhës.

Luciano Moggi ka dashur t’u thotë të gjithë tifozëve të Juventusit që të mos krijojnë shumë pritshmëri për sezonin e ardhshëm: “Tani duhet të kënaqemi me atë që Juvja jep. Tifozët duhet të presin një ekip modest, me shpresë për vendin e pestë ose të gjashtë. Në fakt, jo të gjithë drejtuesit janë në lartësinë e duhur. Ka nga ata që janë mësuar t’u përgjigjen pronarëve dhe t’i pyesin para se të mbajnë një fjalim. Pastaj ka nga ata si unë që përpiqeshin për interesat e shoqërisë”.

Moggi më pas u përqendrua në cështjen e drejtorit sportiv: “Pritja kaq gjatë për Giuntoli, i cili është mësuar të thotë ‘po zotëri’ e nuk lëviz fijen pa De Laurentiis dhe me një skautizëm të jashtëzakonshëm me Micheli-n që gjen lojtarët, më duket absurde. Unë Luciano Moggi do të kisha menduar ndryshe: Tare. Kushdo që vjen te Juventusi duhet të dijë të jetë vendimmarrës, të njohë mirë librat e kontabilitetit. E të marrë vendime që shkojnë përtej pronësisë. Juventusi është një kompani e bukur, e ndërlikuar, ndoshta më e mira në futbollin italian. E nëse menaxhohet mirë, mund të japë kënaqësi të mëdha”.

Igli Tare, në fakt, tani është i lirë pas zgjidhjes së kontratës me Lacion. Me klubin bardhekaltër, drejtori sportiv shqiptar pati një bashkëpunim të gjatë. Kontradiktat me presidentin Lotito, pas ardhjes së Sarrit ishin vendimtare.





Lajmet e fundit nga