web counter
LEXO PA REKLAMA!

SHKARKO APP

App Store
Google Play

E fundit!

x

Silvinjo publikon listën/ Risi në mbrojtje dhe sulm për Kombëtaren

15 Mars 2024, 11:47, Sport CNA

Silvinjo publikon listën/ Risi në mbrojtje dhe sulm për

Trajneri i Kombëtares, Silvinjo, publikoi këtë të premte, listën me lojtarët që do të jenë në grumbullim për dy miqësoret, ndaj Kilit më 22 mars dhe ndaj Suedisë më 25 mars.

Risi në listë, në repartin e sulmit, ku për herë të parë grumbullohet Arbër Hoxha. Ftesë edhe për mbrojtësin Naser Aliji, që rikthehet në Kombëtare, ashtu si Rey Manaj. 

Sa i përket pjesës tjetër, Arbnor Muja dhe Mirlind Daku janë dy mungesat që tërheqin vëmendjen. I pari u transferua në Turqi dhe po provon të përshtatet në skuadrën e re, ndërsa Daku sapo ka nisur sezonin në kampionatin rus, ndaj do të kenë kohë të rigjejnë formën më të mirë, para se të rikthehen sërish në kombëtaren kuqezi.

Përsa i përket portës janë të njëjtët futbollistë, Etrit Berisha, Thomas Strakosha dhe Elhan Kastrati. Në mbrojtje rikthehet Marash Kumbulla, i cili ka lënë pas dëmtimin e rëndë dhe gradualisht po merr minuta me klubin e tij Sassuolo. Emrat e tjerë që përbëjnë repartin e prapavijës janë Berat Gjimshiti, Elseid Hysaj, Ivan Balliu, Enea Mihaj, Federic Veseli, Jon Mersinaj, Mario Mitaj dhe Naser Aliji.

Ashtu si në portë edhe në mesfushë janë të njëjtët lojtarë Ylber Ramadani, Kristjan Asllani, Qazim Laçi, Keidi Bare dhe Nedim Bajrami. Ndërsa në repartin e sulmit ka risi por edhe rikthime. Trajneri Silvinjo ka vendosur të thërrasë për herë të parë në Kombëtare sulmuesin Arbër Hoxha, i cili aktivizohet me Dinamo Zagreb në Kroaci.

Në Kombëtare rikthehet edhe Rey Manaj, i cili po zhvillon një sezon shumë të mirë me klubin e tij në Turqi. Pjesa tjetër e lojtarëve që përbëjnë repartin e avancuar janë Taulant Seferi, Myrto Uzuni, Ernest Muçi, Jasir Asani, Arbnor Muçolli, Sokol Cikalleshi dhe Armando Broja.

Silvinjo do të testojë lojtarët, për të parë gjendjen e tyre nga afër dhe të ketë një ide të qartë për Europianin e verës.

Silvinjo publikon listën/ Risi në mbrojtje dhe sulm për
Lista e Kombetares




Lajmet e fundit nga