web counter
LEXO PA REKLAMA!

SHKARKO APP

App Store
Google Play

“Shkëlqimi dhe rënia e Kombëtares”/ Çfarë ndodhi me Shqipërinë pas Europianit?

12 Tetor 2024, 11:46, Sport CNA
“Shkëlqimi dhe rënia e Kombëtares”/ Çfarë
Kombetarja

2024 nisi si një vit feste për kombëtaren shqiptare të futbollit, që kishte siguruar pjesëmarrjen në Europian për të dytën herë në histori.

Ekipi që nën drejtimin e trajnerit Sylvinho dukej se kishte një tjetër fytyrë ishte më shumë se sa thjesht i motivuar për të bërë mirë.

“Kuqezinjtë” e nisën Europianin Gjermani 2024 me një vrull të madh, por përballë kundërshtarëve si Italia, Kroacia apo Spanja, kampione e Europës tashmë, nuk kishe çfarë të kërkoje më shumë.

Fryma pozitive nuk u ra as pas Europianit, me Kombëtaren që e nisi rrugëtimin në Ligën e Kombeve me një sukses të bukur, duke fituar me përmbysje me rezultatin 1-2 ndaj Ukrainës.

Megjithatë, fytyra ndryshoi dhe shkëlqimi iku, për t’u rrëzuar në “folenë e shqiponjave”, në “Air Albania” përballë Gjeogjisë.

“Kuqezinjtë” u mposhtën me rezultatin 0-1 në një takim ku ekipi shqiptar u shfaq shumë i dobët, me Shqipërinë që nuk realizoi asnjë goditje në portë, me ndeshjet e shtatorit që u mbyllën me një fitore dhe një humbje.

Këtë të premte Shqipëria luajti ndeshjen e parë të tetorit në Ligën e Kombeve, me Kombëtaren që u mposht me rezultatin 2-0 nga Republika Çeke në “epet Arena”.

Një sfidë, në të cilën “kuqezinjtë” pësuan një gol shumë të shpejtë, që në minutën e 3’, ndërsa në asnjë moment nuk pati reagim.

Kombëtarja u shfaq shumë e dobët dhe e çorganizuar, duke e rrezikuar shumë pak portën e çekëve, e me asnjërën prej goditjeve që nuk ishte efektive.

Skuadër që u shfaq pa nervin e duhur për të bërë mirë, përballë një kundërshtari që luajti më shpirt.

Normalisht që duhet theksuar që në këtë takim, Kombëtarja pati edhe disa mungesa të rëndësishme, por gjithsesi nuk ka vend për justifikime, pasi në fushë mbrëmjen e së premtes u duk u një ekip pa grintët e mjaftueshme për të bërë mirë.

E tashmë, pas ndeshjes ndaj Republikës Çeke, Shqipëria numëron dy humbje radhazi, me “kuqezinjtë” që të hënën kanë një provë goxha të fortë, në transfertën e Gjeorgjisë./CNA





Lajmet e fundit nga