web counter
LEXO PA REKLAMA!

SHKARKO APP

App Store
Google Play

Rikthimi i Paul Pogba, pëlqehet nga klubi i Ligue 1

9 Tetor 2024, 12:08, Sport CNA
Rikthimi i Paul Pogba, pëlqehet nga klubi i Ligue 1
Paul Pogba

Mesfushori francez, Paul Pogba, është gati për t’u rikthyer në fushën e blertë.

31-vjeçari po mendon për të ardhmen pasi Gjykata e Arbitrazhit Sportiv në Lozanë e reduktoi dënimin e tij nga 4 vjet në 18 muaj dhe në një situatë të tillë i bie që Pogba mund të rikthehet që vitin e ardhshëm në futboll.

Megjithatë, Juventus i ka treguar derën dhe tani, francezi është duke studiuar mirë opsionet që ka.

Mediet franceze raportojnë se mesfushori mund të bashkohet me Marseille-n, me klubin që po e ndjek me interes, por që ende nuk ka bërë asnjë tentativë për të nisur me bisedimet.

Sa u përket mundësive të tjera të 31-vjeçarit, ato janë jashtë Europës, me Pogba-në që pëlqehet nga klubi i Los Angeles në kampionatin amerikan, aty ku do të gjente emra si Hugo Lloris apo edhe Olivier Giroud.

Ndërsa, Paul Pogba mund ta vazhdojë karrierën e tij edhe në Arabinë Saudite, me francezin që ka disa admirues.

Mbetet për t’u parë se cili do të jetë destinacioni që do të zgjedhë Pogba kur të rikthehet, teksa vlen të theksohet se opsionet nuk i mungojnë./CNA





Lajmet e fundit nga