web counter
LEXO PA REKLAMA!

SHKARKO APP

App Store
Google Play

Qatip Osmani pas fitores me Egnatian: Do të sulmojmë titullin kampion

17 Shkurt 2024, 19:29, Sport CNA

Trajneri i Vllaznisë, Qatip Osmani foli për MCN TV pas fitores përballë Egnatias në Loro Boriçi. Tekniku i shkodranëve iu kënaq 3 pikëve të marra që vijnë si dhuratë për ditëlindje dhe beson fort në objektivin e klubit.

“Dhuratë për të gjithë, për 105 vjetorin e klubit. Vllaznia ishte luftarake, taktikisht e disiplinuar dhe kjo na e fitoi lojën.

Titulli kampion? Shpresojmë, ndoshta është herët pasi asgjë nuk është e siguruar veçanërisht 4 vendet e para. Një fitore ndaj Egnatias është e vlefshme për ecurinë e Vllaznisë. Ende nuk jem itë sigurtë në 4-she, nëse objektivi është të futemi këtu, sigurisht do të sulmojmë edhe titullin kampion. Gjithçka është e mundshme pasi janë 2 ndeshje. Në Final Four do të jenë ekipet më të mira, por është futboll. Gjithçka është e mundshme.

Çfarë kam ndryshuar në klub? Jemi më luftarak tani, në momentet e duhura dimë të ruajmë rezultatin, vrapojmë, shfrytëzojmë elementet e duhura duke filluar nga krahët. E dimë çfarë duam. Me ecurinë në kohët e fundit merita është e futbollistëve, ne si staf jemi munduar t’u japim atyre pozitat ku ata japin më të mirët.

Episodi me zëdhënësin që doli me të kuq? Me thënë të drejtën nuk e di. S’e kam takuar ende dhe nuk mund të them gjë”, tha Osmani.





Lajmet e fundit nga