web counter
LEXO PA REKLAMA!

SHKARKO APP

App Store
Google Play

Liverpool nuk fal, fiton bindshëm në transfertë. Napoli zhgënjen në shtëpi

17 Shkurt 2024, 17:21, Sport CNA

Liverpool ka arritur të fitojë bindshëm dhe pa probleme ndaj Brentford në transfertë, me rezultatin e pastër 1-4.

Në pjesën e parë mjaftoi vetëm goli i Darwin Nunez, me sulmuesin që shënoi golin e parë pas asistimit të Diogo Jota në minutën e 35’.

Pjesa e dytë foli përsëri për Liverpool, pasi të kuqtë shënuan golin e dytë me Mac Allister në minutën e 55’. Nuk vonoi shumë dhe Salah shënoi emrin e tij në listën e golashënuesve, pasi një asistim nga Gapko në minutën e 68’.

Goli i vetëm për Brentford erdhi nga Toney në minutën e 75’. Në përfundim të sfidës, ishte edhe Gapko i cili shënoi duke çuar shifrat në 1-4.

Me këtë rezultat, Liverpool ndodhet në vendin e parë me 57 pikë, ndërsa Brentford në vendin e 14 me 25 pikë.

Në Serie A,  Napoli nuk shkoi më shumë se barazimi 1-1 në shtëpi ndaj Genoa-s.

Pjesa e parë u mbyll me rezultatin 0-0, ndërsa në të dytën erdhën dy golat e sfidës.

Të parët që kaluan në avantazh ishin miqtë, ku në minutën e 47’ ishte Frendrup që kaloi në epërsi Genoa-n.

Edhe pse Napoli ishte totalisht dominues gjatë gjithë lojës, golin e barazimit e shënuan në minutën e 90’ me anë të Ngonge.

Me këtë rezultat, Napoli renditet në vendin e 9 me 36 pikë, ndërsa Genoa në vendin e 12 me 30 pikë.





Lajmet e fundit nga