web counter
LEXO PA REKLAMA!

SHKARKO APP

App Store
Google Play

Premier League/ Çelsi dhe Totenhemi fitojnë me vuajtje në javën e 6-të

3 Shtator 2022, 18:05, Sport CNA

Çelsi dhe Totenhemi kanë arritur fitore në sfidat e tyre në javën e 6-të. Blutë e Londrës morën një fitore 2-1 në derbin ndaj Uest Hemit. Ishte një ndeshje shumë e vështirë për ekipin e Tuhelit që vijon të shfaqë probleme të shumta. Miqtë do të kalonin të parët në avantazh me Michail Antonio në minutën e 62-të.

Çiluell do të barazonte rezultatin në minutën e 76-të, pasi ishte me shumë fat brenda zonës. 2 minuta nga fundi i kohës së rregullt, pas një aksioni ku mori pjesë dhe Broja, do të ishte Haverci që do të shfrytëzonte më së miri asistin e Çiluellit.

Totenhemi mposhti 2-1 Fulhamin në shtëpi. Hojbjerg zhbllokoi rezultatin në pjesën e parë, ndërkohë që në të dytën do të ishte Herri Kejn që do të shënonte golin e dytë në minutën e 75-të. Fulhami rihapi ndeshjen 8 minuta nga fundi me të përhershmin Mitrovic, por “Spursat” do të administronin më së miri rezultatin.

Pas javës së 6-të, Totenhemi mban vendin e dytë me 14 pikë, ndërkohë që Çelsi në të pestin me 10 pikë. 





Lajmet e fundit nga