web counter
LEXO PA REKLAMA!

SHKARKO APP

App Store
Google Play

6 pikë në 2 ndeshje, Colella i sinqertë: Mund të kishim edhe më pak, ja kujt i druhem

3 Shtator 2022, 14:05, Sport CNA

6 pikë në 2 ndeshje, starti më i mirë në vitet e fundit, shifra që ngrohin ambientin në shtëpinë e kuqe. Pas një starti pozitiv, Partizani kërkon të ruaj këtë ecuri edhe në transfertë përballë Bylis, rivali i tyre i radhës, një kundërshtar që trajneri Colella e njeh, e respekton, për këtë arsye kërkon nga ekipi i tij përqendrim maksimal:

2 fitore të rëndësishme në këtë start kampionati. E prisnit këtë ecuri?

Colella: Kemi patur pak ditë në dispozicion për të punuar . Por ajo që është më e rëndësishme është që skuadra ka përqendrimin e duhur dhe grintën që unë kërkoj. Mund të kishim edhe ndonjë pikë më pak, por nëse përqendrimi është i duhur serish do të isha i kënaqur. Duke parë që kemi grumbulluar 6 pikë jam akoma edhe më i kënaqur.

I druheni euforisë në skuadër?

Colella: Ky është vërtet një problem. Nuk është një skuadër eksperte që të mund të menaxhojë situata të tilla të kampionatit, por do të mësoj.

Ndeshja kundër Bylis?

Colella: Përballemi me një skuadër të vështirë sidomos në ndeshjet që luan në shtëpi. I kam ndjekur dhe janë një ekipi i mirorganizuar, kanë shumë grintë. E rëndësishme është që ne ta përballojmë këtë ndeshje gjithmonë në të njëjtën mënyrë si kemi bërë deri tani. E respektojmë kundërshtarin, por ne duhet të kemi përqendrim maksimal.

Ndryshime në formacion ?

Colella: Mendoj që do të kemi disa ndryshime në formacion, si rezultat i problemeve fizike. Gjithsesi nuk e di nëse do të kem gjithnjë një formacion fiks në çdo ndeshje.

Jeni i kënaqur me afrimet në merkato ?

Colella: E kam theksuar edhe më përpara që ne prisnim vetëm një mbrojtës qendre, ai erdhi dhe mendoj që skuadra është e kompletuar dhe të vazhdojmë përpara. Jemi të kënaqur me organikën e skuadrës dhe tashmë pres që të gjithë lojtarët të japin gjithmonë 100% e tyre.





Lajmet e fundit nga