web counter
LEXO PA REKLAMA!

SHKARKO APP

App Store
Google Play

E fundit!

x

Përdori celularin e tifozit për të anuluar një gol, pezullohet arbitri egjiptian

23 Mars 2023, 10:18, Sport CNA

Përdori celularin e tifozit për të anuluar një gol,

Gjyqtari egjiptian Mohamed Farouk është pezulluar pasi përdori celularin e një tifozi për të anuluar një gol në një ndeshje në kampionat.

Al-Nasr shënoi golin e barazimit në fund të ndeshjes kundër Suez-it në një ndeshje të kategorisë së dytë të premten e kaluar, megjithatë ai gol u anulua pas verifikimit "të pazakontë” nga ana e gjyqtarit të ndeshjes.

Në kategorinë e dytë të Egjiptit nuk ka VAR, por Farouk përdori telefonin e një tifozi për të parë një ripërsëritje, pasi vendasit protestuan se kishte një prekje me dorë.

Më pas, Farouk e anuloi atë gol.

Shoqata Egjiptiane e Futbollit tha në një deklaratë se Vitor Pereira, i cili zëvendësoi Mark Clattenburg si kreun e Komitetit të Gjyqtarëve Egjiptian në fillim të këtij muaji, vendosi të pezullojë të gjithë stafin e arbitrave të përballjes Al-Nasr me Suez, për një “periudhë të pacaktuar”.

“Komiteti vendosi të hetojë incidentin kur Mohamed Farouk, arbitri i ndeshjes, përdori një telefon celular për të shqyrtuar pamjet e ngjarjeve të ndeshjes”, -shtoi FA egjiptiane.

Suez shënoi golin e tretë menjëherë pas golit të anuluar për të vulosur fitoren 3-1.

Farouk u largua nga fusha nën mbrojtjen e policisë, mes protestave të lojtarëve dhe zyrtarëve të Al-Nasr, të cilët kanë kërcënuar se do të ndërmarrin veprime ligjore kundër gjyqtarit për shkeljen e rregulloreve.





Lajmet e fundit nga