web counter
LEXO PA REKLAMA!

SHKARKO APP

App Store
Google Play

E fundit!

x

Partizani përgatit festën e madhe te stadiumi i ri, Tirana ka në dorë fatet e zonës së ftohtë/ Ja agjenda e sprintit final

29 Maj 2023, 09:03, Sport CNA

Partizani përgatit festën e madhe te stadiumi i ri, Tirana ka në

Sot në orën 16:00 Kategoria Superiore do të ngrejë siparin e saj me 5 ndeshjet e javës së 36-të. Partizani do të presë në “Arenën e Demave”, Teutën. Të kuqtë janë duke përgatitur festën e madhe për rikthimin te titulli kampion, ndërsa Teuta nuk do të vijë thjeshtë për të shëtitur fanellën në kryeqytet. "Djemtë e detit" besojnë te një rezultat pozitiv për të arritur vendin e 4-t për Kupat e Europës.

Nga ana tjetër Tirana do të udhëtojë drejt “Niko Dovanës” ku do të përballet me Erzenin e vendit të 8-të. Bardheblutë shpresojnë në ndalesën e të kuqve edhe pse në këtë ndeshje vijnë “të coptuar” nga dispilina pas incidentëve në ndeshjen ndaj Bylisit. Erzeni do të kërkojë fitoren për të ruajtur një vend në "play out" që të ketë edhe një mundësi të dytë për të qëndruar në superiore.

Egnatia, e cila tashmë e ka siguruar Europën për herë të parë në historinë e saj, do të presë në “Egnatia Arena” Kukësin e vëndit të 7-të. Rrogozhinasit e kanë arritur objektivin e tyre të parë dhe tashmë bëhen gati për finalen e Kupës së Shqipërisë. Por krejt e kundërta është për verilindorët që kërkojnë një fitore për të shmangur "play out"-in dhe për të “blinduar" qëndrimin në Superiore.

Vllaznia do të udhëtojë drejt Ballshit ku në stadiumin “Adush Muça” e pret Bylisi, i cili ka një objektiv të vetëm: qëndrimin në Superiore. Kurse Vllaznia do të shpresojë që Partizani të ndalë Teutën dhe me një fitore kuqeblutë të kapin vendin e 4-t.

Laçi, që në letër duket se ka ndeshjen më të thjeshtë, pasi Kastrioti është skuadra e parë që ka rënë zyrtarisht një kategori më poshtë, do të besojë deri në fund për një vend në Kupat e Europës. Kurbinasit do të luajnë në stadiumin “Laç”, por do të kenë sytë në kryeqytet dhe në Ballsh pasi në rast fitorje për ta dhe mposhtje të Teutës dhe Vllaznisë, Laçi arrinë të kapë vendin e 4-t.

AGJENDA:

16:00 Partizani – Teuta

16:00 Erzeni – Tirana

16:00 Egnatia – Kukësi

16:00 Bylis – Vllaznia

16:00 Laçi – Kastrioti





Lajmet e fundit nga