web counter
LEXO PA REKLAMA!

SHKARKO APP

App Store
Google Play

Çmenduri në Gjermani/ Dy gola në shtesë djegin ngjitjen e Hamburg, ja skuadra që shkon në Bundesliga për herë të parë

28 Maj 2023, 19:59, Sport CNA

Çmenduri në Bundesliga 2, kampionat ku fati i zi vijon të ndjekë Hamburgun. Skuadra historike gjermane, fitoi 0-1 në Sandhauesen dhe ishte shumë afër vendit të dytë. Që sjell ngjitjen direkte në elitën e futbollit gjerman.

Heidenheim konkretizoi një përmbysje epike në Regensburg (2-3), sfidë që po e humbiste 2-0 deri në minutën e 57’. Por, skuadra e Frank Schmidt shënoi dy herë në shtesa dhe siguroi biletën e parë historike në Bundesliga.

Jan-Niklas Beste dhe Tim Kleindienst shënuan në minutat 90+3’ dhe 90+6’, duke plotësuar ëndrrën e madhe të tifozëve të Heidenheimit, skuadër që i bashkohet Darmstadtin të Klaus Gjasulës në elitë.

Hamburgu e mbylli sezonin në vendin e tretë dhe do të përballet me Stuttgartin në dy finalet e mëdha (1 dhe 5 qershor) për biletën e fundit në Bundesliga.

Ndërkohë, Regensburg do të luajë në ligën e tretë bashkë me Sandhausen, teksa Arminia Bielefeld ka edhe një shans në “play-out”. Do të luajë përballë Wehen Wiesbaden.





Lajmet e fundit nga