E fundit!

10:13 Politikë

Plani i Belind Këlliçit/ "Mbështetje financiare për prodhimin, 15 tregje të gjelbërta në Tiranë"

Me projektin e Belind Kelliçit, Bashkia e Tiranës do të su...

Ofertat për Skukën, ja plani i Partizanit për sulmuesin

23 Nëntor 2022, 19:57, Sport CNA

Forma e frikshme që po kalon Xhuliano Skuka në këtë periudhë ka krijuar një dilemë të madhe për Partizanin, që nuk i ka tërësisht të qarta hapat që do të ndërmarrë. Gazeta mëson se në verën e këtij viti në adresë të Partizanit mbërriti një ofertë prej 350 mijë eurosh nga një klub i Superligës turke. Drejtuesit e konsideruan, por në fund vendosën ta refuzojnë.

Për atë që Skuka po bën deri më tani, ky vendim i jep tërësisht të drejtë. Është momenti dhe viti i tij dhe në adresë të klubit kanë mbërritur disa oferta ndjeshëm më të larta se ato të verës. Dilema është e qartë. Ta mbajnë Skukën dhe të tentojnë së bashku titullin apo ta shesin që në janar dhe të marrin një shifër rekord parash. Aktualisht plani është ta mbajnë, por janari është dy muaj larg, çka do të thotë se deri atëherë mund të ndodhin shumë gjëra.

Nëse do ta mbante Skukën, Partizani do të bënte zgjedhjen e duhur në aspektin sportiv, por nga ana tjetër do të ndërmerrte një risk milionësh. Deri në verë mund të ndodhin shumë gjëra dhe dilema më e madhe është nëse Skuka do të arrijë të ruajë të njëjtin nivel që më pas të gjenerojë interes të njëjtë sa tani, në mënyrë që të mbërrijë edhe një tjetër ofertë milionëshe a më shumë, e ngjashme me atë që San Hose Ërthkuejks ka shpalosur në tavolinën e presidentit Gazment Demi.

Kohë për të menduar ka, por dilema është e madhe, pasi shanse të tilla vijnë shumë rrallë dhe klubi i parë dhe i fundit që ka bërë shitje milionëshe është Skënderbeu. Në rast se shet Skukën në janar, Partizani do të duhet të hyjë në merkato për të firmosur me një tjetër sulmues të nivelit të lartë.