web counter
LEXO PA REKLAMA!

SHKARKO APP

App Store
Google Play

E fundit!

x

"Nuk më shqetësojnë problemet", Kolela: Ja çfarë i duhet Partizanit për të synuar titullin

10 Dhjetor 2022, 16:35, Sport CNA

"Nuk më shqetësojnë problemet", Kolela: Ja

Partizani do të ndeshet me Erzenin në sfidën e javës së 13-të në transfertë, ora 15:45. Në prononcimin përpara duelit, trajneri i “demave”, Xhiovani Kolela, u shpreh se tashmë gjërat do të bëhen më të vështira dhe se skuadra është gati.

“Të rifillosh pas një ndërprerjeje prej gati një muaji është gjithmonë e vështirë. Ndaj tani na duhet të përqendrohemi totalisht në garën e kampionatit me të gjitha energjitë tona për të qenë sa më kompetitivë.

Mendoj se përgatitja në Turqi na shërbeu mjaft. Kemi pasur mundësi për të punuar normalisht, sepse vinim pas një periudhe ku kemi luajtur shumë ndeshje në pak ditë si pasojë e kalendarit të ngjeshur.

Në përgjithësi skuadra po gëzon një formë mjaft të mirë. Mund të kemi disa probleme të vogla, por është diçka normale. Grupi është i plotësuar me mjaft lojtarë cilësorë ndaj edhe problemet e vogla që kemi nuk më shqetësojnë aspak.

Ne gjithmonë synojmë tri pikët ndaj çdo kundërshtari, nëse duam të jemi kompetitivë në luftën për titullin kampion. Dhe për të arritur drejt këtij objektivi sigurisht që kërkojmë të kemi vazhdimësinë e rezultateve pozitive.

Mendoj se ky fakt nuk do të ndikojë aspak për ne. Për një skuadër të fortë e cila lufton për objektiva madhorë nuk duhet të jetë problem fusha, atmosfera ku luan apo edhe kundërshtari që është përballë. Ne duhet të interpretojmë gjithmonë në çdo ndeshje mënyrën tonë të lojës”, u shpreh Kolela.





Lajmet e fundit nga