web counter
LEXO PA REKLAMA!

SHKARKO APP

App Store
Google Play

Një gjyqtare bëhet heroinë në Itali. Ndaloi ndeshjen që t’i shpëtonte jetën një tifozi (VIDEO)

8 Prill 2023, 20:41, Sport CNA

Një gjyqtare bëhet heroinë në Itali. Ndaloi ndeshjen që

Kristiana Laraspata është kthyer në heroinën e ditës në Itali në atë që ishte ndeshja e debutimit të saj në Serinë D Italiane. Gjyqtarja ka marrë duartrokitje nga të gjithë për mënyrën se si ka vepruar në ndeshjen mes Vastoxhirardi dhe Avecano, ndonëse fundi nuk ishte i lumtur.

Në minutat shtesë të ndeshjes, gjyqtarja u sinjalizua se ishte një tifoz i cili kishte pësuar kolaps jashtë rrethimit të fushës. Laraspata, e cila është një ndihmësmjeke në jetën e saj larg fushës së blertë, vrapoi me shpejtësi dhe ishte ajo e cila tento ta mbante në jetë.

Ajo nisi t’i bënte masazh kardiak personit 68-vjeçar në pritje të ambulancës e cila më pas e mori dhe e transportoi në spital. Duartrokitje pa fund për gjyqtaren e cila u mundua që të mbante në jetë personin në fjalë e më pas vazhdoi normalisht ndeshjen për minutat që kishin mbetur. Por për fat të keq, pas përfundimit të sfidës, mësoi se zemra e tij kishte ndalur përfundimisht gjatë rrugës për në spital.

“Ishin momente pa fund. Në një çast, ai u duk edhe sikur u rikuperua. Bëra gjithçka që mundesha për ta shpëtuar”, tha ajo për mediat italiane.





Lajmet e fundit nga