E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Nga Nagelsman te Tuhel, si erdhi vendimi për ndryshimin e trajnerit

24 Mars 2023, 15:40, Sport CNA

Vendimi për të ndryshuar trajnerin në këtë fazë të sezonit nga shumëkush mund të konsiderohet një çmenduri. Lajmi më i rëndësishëm i ditës ishte pa dyshim shkarkimi i Julian Nagelsmanir nga stoli i Bajernit të Mynihut.

Ky vendim padyshim mund të konsiderohet një nga më çuditshmit kur na ndajnë më pak se tri javë nga dueli kundrejt gjigantëve anglezë të Manchester City. Bajern Mynihu ka gjetur menjëherë zëvendësuesin e Nagelsmanit.

Trajnerit 35-vjeçar i humbi respekti në dhomat e zhveshjes duke pasur përplasje të menjëhershme me figurën simbol të Bajernit: Manuel Nojer. Një përplasje e cila shkaktoi shumë polemika në atë periudhë.

Rasti më i fundit ishte kur ai deklaronte: “Kemi dikë pjesë të ekipit i cili po na zbulon taktikat dhe po i shpërndan kudo, a mund të jetë pjesëtar i stafit, a mund të jetë lojtar”? Duke nënkuptuar që në ambientet e brendshme të klubit kishte diçka që nuk funksiononte.

Klubi i Bajernit nuk vonoi me zëvendësimin e tij, duke sjellë një trajner të mirënjohur për publikun. Ai është një trajner i ri dhe karizmatik, gjerman i njohur, i diplomuar në shkollën e Mainz 05 dhe një nga 3 studentët më të dalluar të Ralf Ragnick.

Bëhet fjalë për Tomas Tuhel, një trajner i cili ka pasur eksperienca të kënaqshme në Mainz 05, në Dortmund te Borussia dhe në Francë te PSG-ja, por nuk duhet të lëmë pa përmendur eksperiencën e fundit dhe atë më lavdishmen, me Çelsin në Londër ku mbi të gjitha bie në sy triumfi në Champions League.

Bajerni nuk e kishte të vështirë të firmoste me Tuhelin, pasi ishte pa një ekip. Hera e fundit që Tuhel drejtoi një ekip ishte në ndeshjen e tij të 100-të me klubin e Çelsit, ku humbi kundrejt Dinamo Zagreb me rezultatin 1-0 në Kroaci.

Në Gjermani thuhet se emërimi i Tuhel në pankinë, në vendin e Nagelsmanit, është vendimi më i mirë duke marrë shkak edhe nga historiku I trajnerit. Tuhel mori drejtimin e Çelsit në një faze të njëjtë të sezonit dhe askush nuk e priste që të arrinte sukses, por historia flet vetë.

Tuhel është trajneri i duhur për Bajernin sepse krahas sukseseve në Gjermani mund të sjellë atë që Nagelsman nuk fitoi dot, trofeun e Champions League. Nagelsman tashmë është e shkuara e Bajernit dhe Tuhel tani duhet të marrë frerët e klubit ku fillimisht ai duhet të rregullojë marrëdhëniet në dhomat e veshjes dhe më pas të bëjë më mirën për ekipin.