web counter
LEXO PA REKLAMA!

SHKARKO APP

App Store
Google Play

E fundit!

x

Nejmar vjen me simulimin e verës, por tifozët janë mësuar me të

25 Korrik 2022, 14:45, Sport CNA

Nejmar vjen me simulimin e verës, por tifozët janë mësuar me

Gamba Osaka nuk mundi të përballonte fuqinë sulmuese të Paris Saint-Germain qe në pjesën e parë të miqësores së tyre parasezonale. Në ndeshjen e fundit të turneut të tyre në Japoni, ekipi francez kaloi në epërsi 4-1 në intervalin e pjesës së parë.

PSG hapi rezultatin në minutën e 28-të të lojës me anë të Pablo Sarabia dhe Nejmar më pas shënoi 2-0 nga penalltia vetëm katër minuta më vonë. Megjithatë, mënyra se si erdhi goditja nga pika e bardhë, ishte mjaft e dyshimtë – veçanërisht duke pasur parasysh faktin se ishte një miqësore parasezonale.

Nejmar ishte njeriu që u ‘faulua’ në kuadrat, megjithëse përsëritjet duket se sugjerojnë se nuk ka pasur asnjë kontakt. Mbrojtësi i Gamba Osaka rrëshqiti dhe dukej se e kishte tërhequr këmbën në sekondën e fundit, por kjo nuk e ndaloi Nejmarin që të hidhej në tokë në një mënyrë shumë dramatike.

Edhe nëse do të kishte kontaktin më të vogël, sigurisht që nuk ishte aq afër sa për ta bërë futbollistin më të shtrenjtë në botë të simulonte. Pse duhet ta bëjë? Nejmar ka një reputacion si aktor simulues, pas veprimeve të tij në Kupën e Botës në vitin 2018 me Brazilin dhe fatkeqësisht, ai vazhdon t’u qëndrojë pas këtyre veprimeve. Ajo që e bën edhe më frustruese është fakti që 30-vjeçari është një nga futbollistët më të talentuar të brezit të tij.





Lajmet e fundit nga