web counter
LEXO PA REKLAMA!

SHKARKO APP

App Store
Google Play

E fundit!

x

Ndeshjet e fundit në grupin A/ Holanda kalon e para, lot dhe festë në Ekuador-Senegal

29 Nëntor 2022, 17:59, Sport CNA

Ndeshjet e fundit në grupin A/ Holanda kalon e para, lot dhe festë

Holanda fiton edhe ndeshjen e tretë në Grupin A ndaj organizatorëve të Katarit duke e mbyllur grupin në kuotën e shtatë pikëve. Tulipanët nuk hasën vështirësi dhe e mbyllën fazën e grupeve me një fitore 2-0 teksa golat u shënuan nga Cody Gakpo në pjesën e parë dhe mesfushori Frenk De Jong në fraksionin e dytë.

Katari rezistoi deri në minutën e 26-të, por një aksion model me pjesëmarrjen e Depayt dhe Klaassen, u përmbyll bukur nga talenti i “Tulipanëve” që konfirmoi formën e shkëlqyer në këtë Botëror. Për Gakpo ishte goli i tretë në këtë Botëror teksa 23-vjeçari është padyshim lideri i formacionit të trajnerit Louis Van Gaal.

Ndërkohë, në fraksionin e dytë, Holanda vendosi në “kasafortë” suksesin duke qenë se shënoi në minutën e 57-të golin e dytë me anë të Frenkie De Jong që u tregua më i shkathët se kundërshtarët në zemër të mbrojtjes.

Kështu, Holanda merr kualifikimin për në fazën e 1/8-tave aty ku e pret një përballje me vendin e dytë të Grupit B. Nga ana tjetër, Katari e mbyll këtu pjesëmarrjen në Botërorin e shtëpisë duke u larguar pa asnjë pikë në tre ndeshje, i pari vend organizator që regjistron një rekord kaq negativ.

Ndeshjet e fundit në grupin A/ Holanda kalon e para, lot dhe festë

Në ndeshjen e fundit të Grupit A, Senegali ia del të sigurojë kualifikimin për në fazën e 1/8-tave. Kombëtarja afrikane mposhti me rezultatin 1-2 Ekuadorin që nga ana e saj kishte edhe mundësinë për t’u kualifikuar me anë të barazimit.

Por, Senegali ishte më bindës në fushë dhe e kërkoi vazhdimisht golin, të cilin në fakt e gjeti vetëm në fundin e pjesës së parë me anë të Ismaila Sarr që shënoi në minutën e 44-të nga goditja e penalltisë. Në fraksionin e dytë, ishte e pritshme që Ekuadori të kërkonte golin e barazimit. Në fakt, amerikano-latinët e gjetën rrugën e rrjetës me anë të Caicedos në minutën e 67-të, por festa zgjati pak.

Ishte Kalidu Koulibaly që vetëm tre minuta më pas riktheu të tijtë në avantazh. Një avantazh të cilin afrikanët e ruajtën me fanatizëm deri në fundin e lojës dhe me gjashtë pikë marrin kështu kualifikimin e shumëdëshiruar për në raundin tjetër, atje ku do të presin fituesin e Grupit B. Ndërkohë, Ekuadori eliminohet edhe pse me katër pikë dhe pasi zhvilloi një edicion pozitiv.

Standings provided by Sofascore




Lajmet e fundit nga