E fundit!

19:02 Kronika

Autori i maskuar me maskë dhe paruke/ Zbulohen detaje nga atentati në Elbasan

Tre persona janë plagosur me armë zjarri një natë më parë ...

Miqësorja me Italinë, Reja: Lojtarët e kampionatit shqiptar më kanë befasuar. E ardhmja? Jemi për të folur për ndeshjet

13 Nëntor 2022, 12:21, Sport CNA

Kombëtarja shqiptare do të luajë dy miqësore gjatë kësaj jave me Italinë dhe Armeninë në “Air Albania” më 16 dhe 19 nëntor.

Dy duele që pritet të thonë shumë për forcën e këtij grupi, ku Edy Reja pas dy sfidave me Arabinë Saudite dhe Katarin do të shikojë se çfarë është në gjendje të bëjnë këto lojtarë ndaj dy ekipeve më të vështira.

Miqësorja me Italinë, ndonjë ndjenë ndryshe?

Sigurisht për Shqipërinë është krenari të luajë ndaj Italisë, edhe për mua është e veçantë dhe kënaqësi të luaj ndaj tyre. Edhe lojtarët në fushën e lojës do të kenë të veçantë pasi shumica prej tyre luajnë në Itali. Nga mungesa e kualifikimit në “Katar 2022” ata kërkonin për një miqësore, menjëherë pasi dëgjova thashë, po duhet të përballemi ne më ta.

Abazaj, Hadroj, Gurishta dhe Bitri?

Sigurisht ka lojtarë të tjerë që më kanë lënë përshtypje të mira, dhe nuk pata mungësi t'i merrja të gjithë. Projekti ynë është të vij më shpesh në Shqipëri dhe të kem mundësi t'i shikoj nga afër që në të ardhmen t’i përfshin në ndeshje zyrtare. Kisha frikë se mos lojtarët nuk do mbanin rendimentin e ndeshjes, por më treguan se kishin shumë energji dhe fakti që vinin për herë të parë në Kombëtare kishin motiv më shumë. Ndaj Katarit na u mohua një penallti, edhe ndaj Arabisë Saudite patën rastet tona. Kjo kombëtare me lojtarët e kampionatit ka bërë mirë dhe do doja të kisha grumbuluar edhe lojtarë të tjerë por kaq ishin mundësitë.

A mund të jenë lojtarët e “Abissnet Superiore” pjesë e formacionit bazë të Kombëtares?

Kam besim tek ata dhe patjetër që mund të luajnë ndaj Italisë. Kur t’i kem të gjithë në grumbullim do shikoj me vëmendje gjendjen e tyre dhe 4 lojtarët që kam grumbulluar nga kampionati shqiptar patjetër që janë në gjendje të luajnë ndaj Italisë dhe rregullisht.

Në përfundim të kontratës, a ju bezdisin emrat e lakuar?

Do të përfundojmë këto ndeshje dhe më pas siç e kam theksuar edhe më parë pasi të mbarojë kontrata do të flasim me Presidentin për vazhdimësinë apo jo të kontratës, me Dukën kam një marrëdhënie shumë të mirë.

A i druheni një rezultati të thellë ndaj Italisë?

Sigurisht Mancinin e njoh mirë dhe që ai do aktivizojë lojtarë të mirë. Italia nuk është një nga skuadrat më të frikshme. Mua më intereson që Kombëtarja të bëjë një lojë të mirë dhe nuk është shumë i rëndësishëm rezultati. Patjetër që Mancini do provojë lojtarë të rinj, pasi miqësoret për këtë punë janë.

Çfarë i vlejnë Shqipërisë këto miqësore?

Këto ndeshje janë të rëndësishme, sepse kam kohë për të parë lojtarët në fushë. Kemi probleme me dëmtimet, me klubet që nuk na lejojnë, Balaj, Cikalleshi, Seferi gjithashtu edhe Uzuni nuk na i lejojnë klubet sepse kanë ndeshje të rënësishme, por duhet të shkojmë se si shkojnë ndeshjet ditën e sotme. Ka problem dëmtimesh si Manaj, Çekiçi, Stakosha, Gjimshiti, Gjasula që janë lojtarë më me shumë eksperiencë në Kombëtare. Lojtarët e kampionatit shqiptar kanë mundësi t’i zëvendësojnë siç duhet këto lojtarë, sepse kanë potencialin e duhur për të bërë mirë.