web counter
LEXO PA REKLAMA!

SHKARKO APP

App Store
Google Play

E fundit!

x

Miqësorja më 20 qershor, zbulohet kundërshtari i Shqipërisë U-21

6 Qershor 2023, 15:38, Sport CNA

Shqipëria e moshës deri në 21 vjeç, që drejtohet nga Alban Bushi, rikthehet në fushën e lojës pas dy muajsh. Në fundin e marsit, kjo përfaqësuese në Antalia të Turqisë fitoi 2-1 me Azerbajxhanin dhe u mund 0-2 nga Polonia. Dhe tanimë më 20 qershor, në ora 18:30, në “Elbasan Arena” do të ketë përballë Bullgarinë. Një miqësore shumë e vlefshme për kombëtaren e Shpresave, apo të moshës deri në 21 vjeç, ndërsa tekniku Alban Bushi do të ketë mundësinë të shohë në aksion grupin që ka dispozicion, i cili do të marrë pjesë në kualifikueset e Kampionatit Europian 2025. Shqipëria është në grupin E të këtyre kualifikueseve përballë Rumanisë, Zvicrës, Finlandës, Malit të Zi dhe Armenisë.

Kuqezinjtë do të grumbullohen javën e ardhshme në Elbasan, ku do të zhvillojnë edhe përgatitjet për miqësoren ndaj Bullgarisë. Trajneri Bushi do të zbardhë listën me futbollistët e thirrur më 8 qershor në ‘Shtëpinë e Futbollit’ në një konferencë për shtyp, teksa pritet që pjesë e këtij grumbullimi të jenë lojtarë që luajnë brenda dhe jashtë vendit.

Ndërkohë qershori ka dhe të tjera miqësore, sepse Shqipëria e moshës deri në 15 vjeç më 7 dhe 9 qershor do të jetë përballë Maqedonisë së Veriut, kurse kuqezinjtë e moshës deri në 19 vjeç, më 14 dhe 16 qershor, do të luajnë me Kosovën. Pa harruar ndeshjet e kombëtares për kualifikueset e Kampionatit Europian “Gjermani 2024” ndaj Moldavisë dhe Ishujve Faroe. Gjithsesi për Shqipërinë U-21, Bullgaria është miqësorja e tretë për vitin 2023.





Lajmet e fundit nga