web counter
LEXO PA REKLAMA!

SHKARKO APP

App Store
Google Play

Mesi para vendimit të madh, e ardhmja një udhëkryq

10 Mars 2023, 09:07, Sport CNA

Leo Mesi e përfundon kontratën me PSG-në në më pak se katër muaj. Më 24 qershor ai do të jetë 36 vjeç dhe më 1 korrik, lojtar i lirë.

Në planin sportiv, vjen nga eliminimi në Champions League ndaj Bajernit, por edhe pas triumfit në Kupën e Botës dhe pasi mori çmimin “The Best”.

“Ylli” argjentinas duhet të vendosë për të ardhmen e tij. Ai dëshiron të vazhdojë të paktën një vit në futbollin elitar, pra atë europian, ku PSG vazhdon të jetë opsioni i tij i parë pavarësisht fiaskos europiane.

Barça, gjithashtu është një mundësi për shkak të vullnetit të presidentit Joan Laporta për ta rikthyer pas divorcit të dhimbshëm të vitit 2021.

Presidenti i Barçës konfirmoi se u takua me Jorge Messin, babanë dhe agjentin e Leos, por se në thelb folën për nderimin e Leos si ikona historike e klubit, pas largimit të tij të trishtuar në gusht 2021. Por tani për tani, asgjë më shumë.

Nuk ka dalë ndonjë klub tjetër i madh europian që të jetë i interesuar për Mesin, sepse vazhdimësia e tij në Paris u konsiderua si e mirëqenë.

Nëse negociatat dështojnë, nuk mund të përjashtohet që ndonjë klub i madh nga Premier League apo Italia, me financa të shëndetshme, të bëjë ofertë.

Inter Miami ka lëvizur edhe për Mesin. Klubi i Beckhamit e dëshiron si një “yll” që shërben si në planin sportiv dhe për imazh në MLS-në amerikane. Problemi është se nuk mund të konkurrojë me të mëdhenjtë e Europës apo me futbollin arab në nivelin ekonomik.

Arabia Saudite, nga ana tjetër, dëshiron Kupën e Botës 2030 dhe, me Kristianon tashmë në futbollin e saj, ëndërron të rekrutojnë edhe Mesin për t’i pasur dy “yjet” si ambasadorë për kauzën e tyre.

Al-Hilal duket se është klubi i zgjedhur nga federata për të tunduar Leon, nëse ai vendos për këtë futboll. Por fakti është se Leo nuk i merr parasysh këto oferta sot./Supersport





Lajmet e fundit nga