web counter
LEXO PA REKLAMA!

SHKARKO APP

App Store
Google Play

E fundit!

x

"Lojtarët e mi trukonin ndeshje", Rudi Vata lëshon deklaratën e fortë: Njoh ministra bixhozçinj, shkojnë në kazino në Budva

10 Nëntor 2022, 17:09, Sport CNA

"Lojtarët e mi trukonin ndeshje", Rudi Vata lëshon

Ish-futbollisti i Kombëtares shqiptare, Rudi Vata ka bërë një deklaratë të fortë, në lidhje me periudhën kur ishte trajner.

Në një intervistë për Euronews Albania, Vata u shpreh se lojtarët e tij kanë trukuar ndeshje.

Sipas tij, ata bënin trukime, në ndeshje të caktuara, në momentet kur trukimi u interesonte atyre personave që kontrollonin këtë fenomen.

“Një ndeshje e trukuar, është një ndeshje e trukuar. Përderisa në Shqipëri, futbolli shqiptar është dënuar për korrupsion, këtu ka shumë hapësirë për të diskutuar fenomenin. Në ekipet ku unë kam punuar si tajner, kam pasur lojtarë që kanë qenë pjesë e trukimit të ndeshjeve.

Jo çdo javore, por sigurisht në momente të veçanta kur u interesonte personave të veçantë që kontrollonin fenomenin dhe ishin palë me shtetin. Unë e kam pësuar në kurriz”, theksoi ai.

Ish-futbollisti i Kombëtares shqiptare, Rudi Vata thotë se deputetë, po edhe ministra në vendin tonë, vendosin baste dhe luajnë në kazino.

Vata u shpreh se bastet janë katastrofike për vendin tonë dhe shtoi se të vetmit që kanë pasur fitim nga ky aktivitet, janë ata që i kanë kontrolluar.

“Në Shqipëri është katastrofë që të futesh në baste. Njerëzit në Shqipëri, që janë marrë me baste, janë disa njerëz që kanë konrolluar baste, kanë fitime. Një pjesë e tyre është edhe elitë shtetërore. Mund të ketë deputetë, mund të ketë ministra.

Unë njoh ministra që janë bixhozçinj, bastexhinj, shkojnë në kazino në Budva. Kemi pasur një kryeministër që shkonte në kazino në Vjenë. Është një ves i keq që shkatërron familjet shqiptare.”





Lajmet e fundit nga