web counter
LEXO PA REKLAMA!

SHKARKO APP

App Store
Google Play

Memelli e zëvendësoi/ Temitope, i mërzitur: Doja të isha në fushë!

10 Nëntor 2022, 14:04, Sport CNA
Memelli e zëvendësoi/ Temitope, i mërzitur: Doja të isha
Abdul Temitope

Sulmuesi nigerian i Skënderbeut, Abdul Temitope, u bë protagonist në barazimin 1-1 ndaj Flamurtarit, teksa shënoi golin e parë dhe më pas u shfaq i mërzitur pasi u zëvendësua nga trajneri Migen Memelli. Në një intervistë për “Panorama Sport”, Temitope flet per sfidën me vlonjatët, por gjithashtu edhe episodin pas ndërrimit.

“Barazimi i fundit me Flamurtarin mendoj se i ka të dyja anët e medaljes, kjo për faktin se luanim ndaj një ekipi mjaft cilësor dhe nga ana tjetër kemi humbur dy pikë me vetëm një gjuajtje në portë të kundërshtarit.

Isha i mërzitur dhe me të drejtë, pasi kishim përgatitur një ndeshje të madhe në mënyrën më të mirë të mundshme. Bëmë gjithçka mirë dhe kaluam në avantazh pas një loje të fortë dhe me presing të lartë.

Por në rastin e parë të Flamurtarit u ndëshkuam. Është shumë për të ardhur keq, pasi u bë ndeshja e dytë që ndëshkohemi kështu, duke pasur parasysh edhe atë të para dy javëve.

Gabojmë vetëm një herë dhe ndëshkohemi, ndërkohë që duhet të derdhim shumë djersë që të shënojmë. Unë e quaj mungesë fati. Nuk ka asnjë shpjegim tjetër. Normalisht që u mërzita për këtë, por edhe për zëvendësimin, pasi doja të isha në fushë me ekipin në kohën kur duhet të fitonim ndeshjen”, theksoi Temitope.





Lajmet e fundit nga