web counter
LEXO PA REKLAMA!

SHKARKO APP

E fundit!

x

Kvaratskhelia “kalon” te Bayern Munich, gjermanët nuk duan të përsërisin gabimin

7 Maj 2026, 18:55, Sport CNA

Kvaratskhelia “kalon” te Bayern Munich, gjermanët nuk duan

Bayern Munich po monitoron me kujdes Tornike Kvaratskhelia, vëllain e vogël të yllit të PSG-së, Khvicha Kvaratskhelia.

16-vjeçari, i cili është pjesë e Dinamo Tbilisit dhe përfaqëson kombëtaret e moshave të Gjeorgjisë, ka udhëtuar së fundmi drejt Gjermanisë për një periudhë provë.

Sipas mediave gjermane, sulmuesi i krahut u aktivizua me ekipin U-17 të bavarezëve, ku arriti të shënojë edhe një gol në një ndeshje miqësore të zhvilluar këtë të martë. Stafi teknik i klubit u shpreh i kënaqur me cilësitë e tij teknike, ndonëse u vërejt se lojtari ka nevojë për përmirësim në aspektin fizik dhe intensitetin e lojës.

Për shkak të rregullave të Bashkimit Europian mbi transferimin e të miturve nga vendet jashtë BE-së, Bayerni nuk mund ta regjistrojë zyrtarisht lojtarin deri në moshën 18-vjeçare. Një zgjidhje e mundshme që po shqyrtohet është huazimi i tij në një nga klubet satelite të rrjetit "Red & Gold".

Ky interesim vjen si një përpjekje për të mos përsëritur dështimin e vitit 2018, kur gjermanët tentuan të afronin Khvicha Kvaratskhelia-n, por marrëveshja nuk u finalizua.

Drejtuesit e klubit thuhet se janë penduar për atë vendim, sidomos pas performancave të shkëlqyera të "Kvaradonës" në gjysmëfinalet e fundit të Champions League me PSG-në.





Lajmet e fundit nga