web counter
LEXO PA REKLAMA!

SHKARKO APP

App Store
Google Play

Kukësi zgjedh pasuesin e Gegës, gati akordi me ish-lojtarin e Kombëtares

11 Shtator 2022, 08:30, Sport CNA
Kukësi zgjedh pasuesin e Gegës, gati akordi me ish-lojtarin e
Kukësi

Klubi i Kukësit duket se ka gjetur shumë shpejt emrin e trajnerit që do të drejtojë skuadrën në vijimin e sezonit pas dorëheqjes së Skënder Gegës. Ky i fundit u tërhoq nga drejtimi i ekipit gjatë ditës së sotme për shkak të rezultateve të skuadrës, ndërsa verilindorët kanë nisur shpejt kontaktet me disa emra për të plotësuar vendin e lënë bosh. 

Emri i përzgjedhur është ai i ish-sulmuesit durrsak Enkelejd Dobi, shkruan "Panorama Sport". Ky i fundit, pasi pati shkëlqyer me Teutën në fillimin e viteve ‘90, bëri më pas karrierë në Poloni duke luajtur për shumë skuadra atje. Dobi më pas filloi karrierën si trajner dhe ka drejtuar në vitet e fundit skuadrat e Gornik dhe Vidzev Lodz.

Ai jeton në Poloni dhe pritet të mbërrijë nesër në vendin tonë për të diskutuar me hollësisht me Kukësin për kontratën që e lidh me klubin, ndërsa për momentin është përcaktuar edhe emri i atij që pritet të jetë ndihmëstrajner i tij. Në stafin e Dobit do të jetë në këtë post ish-kapiteni i verilindorëve, Ylli Shameti.

Gjatë ditës së sotme, emrat që kanë qarkulluar pranë klubit verilindor si kandidatë të mundshëm për pankinën kanë qenë edhe të Gentian Mezanit, Amarildo Zelës dhe një rikthim i Shpëtim Duros.





Lajmet e fundit nga