web counter
LEXO PA REKLAMA!

SHKARKO APP

App Store
Google Play

E fundit!

x

Klubi italian ëndërron Tonalin, zbulohet plani për ta afruar

20 Prill 2025, 14:35, Sport CNA

Klubi italian ëndërron Tonalin, zbulohet plani për ta afruar

Merkato e verës pritet të sjellë zhvillime të rëndësishme në futbollin europian, dhe një nga emrat më të përfolur tashmë është ai i mesfushorit italian Sandro Tonali. Sipas raportimeve të fundit nga mediat italiane, Juventus ka shënjestruar lojtarin e Newcastle si objektivin kryesor për përforcimin e repartit të mesfushës në sezonin e ardhshëm. Një transferim i mundshëm që do të përfaqësonte një goditje të madhe në merkato për “Zonjën e Vjetër”, në synimin për të rikthyer lavdinë në futbollin italian dhe europian.

Dëshira e Juventusit për të siguruar shërbimet e Tonalit është e qartë dhe e vendosur. Drejtori sportiv i klubit, Cristiano Giuntoli, është duke punuar intensivisht për të krijuar kushtet e duhura të një marrëveshjeje, por bisedimet me klubin anglez nuk pritet të jenë aspak të lehta. Newcastle e konsideron mesfushorin italian një pasuri të rëndësishme për projektin afatgjatë dhe nuk është e gatshme të negociojë për një çmim nën 70 milionë euro, një shumë që përfaqëson jo vetëm vlerën sportive të lojtarit, por edhe investimin që anglezët bënë për ta transferuar atë nga Milan.

Për të ulur kërkesat financiare, Juventus po shqyrton mundësinë e përfshirjes së një lojtari në marrëveshje. Fillimisht u përfol për Douglas Luiz, por së fundmi vëmendja është përqendruar tek sulmuesi serb Dusan Vlahovic. Ky i fundit nuk po kalon një moment të mirë në Torino dhe duket se largimi i tij në fund të sezonit është i pashmangshëm.

Futja e Vlahovicit në negociata shihet si një lëvizje strategjike nga ana e bardhezinjve për të bindur Njukastëllin që të heqë dorë nga pretendimet e larta financiare.





Lajmet e fundit nga