web counter
LEXO PA REKLAMA!

SHKARKO APP

App Store
Google Play

E fundit!

x

Klubi i Superiores mbetet në ajër, vetëm dy titullarë nga sezoni i shkuar

19 Qershor 2023, 15:18, Sport CNA

Klubi i Superiores mbetet në ajër, vetëm dy titullarë nga

Në Kukës është vetëm kohë largimesh. Tre të fundit që janë zyrtarizuar nga klubi për ndërprerjen e bashkëpunimit janë mbrojtësit Redon Dragoshi dhe Ebert Kardoso, si edhe mesfushori Ergys Peposhi, për të cilët gazeta e pati paralajmëruar më herët që nuk do të ishin pjesë e verilindorëve, edhe për faktin se u kishte mbaruar kontrata dhe nuk do të kishte më një rinovim mes palëve.

Numri i largimeve ka shkuar në plot 15 duke bërë që blutë të jenë një nga ekipet që kanë realizuar “skarcime” në masë në mbylljen e këtij sezoni. Në fakt, pritej një revolucion në Kukës, për shkak se ekipi rrezikoi rënien nga kategoria, por ndoshta jo deri në këtë pikë, ku thuajse i gjithë ekipi është shkrirë. Bëhet fjalë për një formacion të tërë, sepse thuajse të gjithë titullarët e këtij edicioni janë larguar, duke “mbijetuar” për momentin vetëm portieri Angelo Tafas dhe mbrojtësi Franko Lamçe, të cilët gjithsesi nuk dihet nëse do të bëhen pjesë e revolucionit në dalje apo do të qëndrojnë. Megjithatë, bie në sy fakti se kryesisht janë larguar lojtarët që u ka mbaruar kontrata dhe asnjëra nga palët nuk ka dashur që të vazhdojë më bashkëpunimin, duke qenë të pakënaqura nga njëra-tjetra.

Largimet e shumta kërkojnë edhe afrime të shumta, gjë që te Kukësi nuk po ndodh gjatë kësaj periudhe. Gazeta mësoi se janë piketuar lojtarët që do të afrohen dhe ata janë kryesisht nga tregu i huaj, por ende nuk janë bërë pjesë zyrtare e ekipit. Megjithatë, edhe afrimet nuk do të jenë të bujshme, pasi bëhet fjalë për lojtarë që kanë një profil të ulët, me ekipin që nuk kërkon të ndërtojë një ekip me “gjeneralë”, por me “ushtarë” që të japin maksimumin për skuadrën. Historikisht Kukësi ka afruar në ekip lojtarë që kanë pasur një emër dhe karrierë mbi supe dhe kanë qenë të mirëpaguar, por sërish ekipi nuk ka marrë dot atë që ka kërkuar. Tani ka ndryshuar plotësisht strategjia, një merkato pa shumë bujë, por me pritshmëri të mëdha nga ana e lojtarëve që do të afrohen. Gjithsesi, mbetet për t’u parë koha kur do të nisin zyrtarizimet, sepse ato duken të largëta, për aq kohë sa ekipi ende nuk ka zyrtarizuar as trajnerin e sezonit të ardhshëm. Gjasat janë që në fillim të korrikut të nisin edhe afrimet e para.

 





Lajmet e fundit nga