web counter
LEXO PA REKLAMA!

SHKARKO APP

App Store
Google Play

Kategoria Superiore/ Vllaznia dhe Erzeni ndeshen për Europë, ja të gjitha sfidat e sotme

9 Prill 2023, 09:45, Sport CNA

Sot do të luhen tri ndeshje të Superligës shqiptare. Ndeshja e parë do të fillojë në orën 15:00 mes Kastriotit dhe Bylisit. Të dyja ekipet në fjalë pozicionohen në dy vendet e fundit të tabelës, përkatësisht Kastrioti në vendin e 10-të me 27 pikë dhe Bylisi në vendin e 9-të me 29 pikë.

Ndeshja tjetër do të jetë ajo mes Teutës dhe Laçit, e cila do të luhet në qytetin e Durrësit në orën 18:00. Kjo sfidë pritet të jetë shumë e bukur dhe me emocione. Teuta ndodhet në vendin e shtatë me 34 pikë, ndërsa Laçi në vendin e tetë me 33 pikë. Pra, duket qartë se të dyja skuadrat sot do të luftojnë për të mos u pozicionuar në zonën e kuqe.

Në të njëjtën orë, një tjetër ndeshje e bukur do të luhet. Vllaznia do të presë Erzenin në shtëpi dhe përballja pritet të jetë e bukur pasi të dyja ekipet luftojnë ende për të prekur zonën e Europës, atë të Conference League. Shkodranët ndodhen në vendin e katërt me 38 pikë, ndërsa Erzeni në vendin e pestë me 37 pikë. Të dyja synojnë vendin e tretë në të cilin aktualisht ndodhet Egnatia me 41 pikë.

Ndërsa ditën e hënë më 10 prill, Egnatia do të ndeshet me Partizanin dhe Tirana me Kukësin.





Lajmet e fundit nga