web counter
LEXO PA REKLAMA!

SHKARKO APP

App Store
Google Play

Jo vetëm Asllani, një tjetër mesfushor i Kombëtares drejt Interit

30 Tetor 2023, 13:58, Sport CNA

Jo vetëm Asllani, një tjetër mesfushor i Kombëtares drejt

Ylber Ramadani është në fokusin e ndërkombëtarëve. Mesfushori i Kombëtares shqiptare po shkëlqen me Lecen dhe në këtë mënyrë ka rënë edhe në sytë e “big”-ëve të Serisë A. Ai po konsiderohet si lojtari kryesor i Leces duke qenë titullar i padiskutueshëm.

Paraqitjet e tij të mira janë vënë re edhe nga drejtori sportiv i Interit, Piero Ausilio. Ai po sheh nga afër mesfushorin dhe nuk do të jetë habi nëse në të ardhmen do t’u bashkohej zikaltërve.

Siç raporton “pianetalecce.it”, Ausilio ka qenë në stadium duke parë nga afër takimin ndaj Monzës. Në atë sfidë, Ramadani ishte i jashtëzakonshëm, teksa nuk pushoi për asnjë minutë në fushë. Gjithashtu Ausilio e ka vëzhguar nga afër edhe në ndeshjet e Kombëtares.

Kujtojmë që mbrëmë, Ylber Ramadani u pyet për “Duelin Sportiv”, ku deklaroi: “Për momentin jam i fokusuar këtu. Por, unë gjithmonë dëshiroj që të arrij akoma më lart. Synimi im është të arrij akoma më shumë. Profa më njeh më mirë se të gjithë aty, po e them këtë sepse kam punuar me të, unë kam thënë gjithmonë se do të arrij në një skuadër të madhe evropiane dhe do të arrij vetëm ta kemi shëndetin dhe të jemi shëndosh e mirë”.





Lajmet e fundit nga