web counter
LEXO PA REKLAMA!

SHKARKO APP

App Store
Google Play

Jo vetëm afrime, pesë lojtarë pritet të largohen nga Partizani në janar

23 Dhjetor 2022, 12:40, Sport CNA

Me mbylljen e kësaj faze të parë të kampionatit dhe me merkaton e janarit përpara, drejtuesit e Partizanit kanë nisur të bëjnë disa bilance mbi lëvizjet që duhet të bëjnë.

Ka lojtarë që kanë shkëlqyer dhe janë shndërruar në lojtarë kyç për skuadrën, por ka edhe një pjesë tjetër, pozicioni i të cilëve mund të rishikohet dhe të diskutohet një largim apo huazim i mundshëm.

I pari në këtë listë është Jozef Menish. I ardhur me mjaft bujë për shkak të karrierës së tij të pasur, sllovaku nuk ka arritur të jetë brenda pritshmërive. Largimi është një opsion për shkak të pagës së lartë, por edhe lojtari kërkon të luajë më shumë.

Saliu Sembene dhe Maget Gueje janë dy të rinj, te të cilët Partizani beson, por ata kërkojnë minuta. Minimalisht një prej tyre mund të huazohet në janar drejt një skuadre, ku mund të luajë rregullisht.

David Atanaskoski erdhi për të luajtur si titullar në çdo ndeshje, por Buxhelaj i mori vendin dhe mbetet për t’u parë nëse maqedonasi është i gatshëm të luajë edhe pjesën tjetër të sezonit si rezervë.

E njëjta situatë vlen edhe për Bruno Telushin, i cili nuk ka marrë minutat e dëshiruara dhe largimi qëndron si opsion.





Lajmet e fundit nga