E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Interi mbush arkat, zikaltërit regjistrojnë të ardhura rekord

7 Maj 2025, 20:53, Sport CNA

Interi jo vetëm që ka siguruar pjesëmarrjen në finalen e dytë të Ligës së Kampionëve në tre sezonet e fundit, por gjithashtu ka regjistruar të ardhura rekord nga kjo arritje.

Ndeshja gjysmëfinale e zhvilluar në stadiumin “San Siro” u ndoq nga 75 mijë e 504 spektatorë, duke gjeneruar mbi 14.6 milionë euro të ardhura nga biletat. Kjo shifër përbën rekordin më të lartë financiar të regjistruar ndonjëherë për një ndeshje futbolli të zhvilluar në territorin italian.

Përveç fitimeve nga ndeshja gjysmëfinale, kualifikimi në finalen e kompeticionit më të rëndësishëm europian për klube ka sjellë edhe 18.5 milionë euro të tjera nga bonuset e shpërndara nga UEFA, të cilave u shtohen edhe të ardhurat e mëparshme nga pjesëmarrja dhe rezultatet gjatë fazave të mëparshme të turneut.

Në total, Interi ka arritur të mbledhë rreth 132 milionë euro për këtë edicion të Ligës së Kampionëve, duke vendosur një rekord të ri në historinë e klubit.

Kjo shumë e arkëtuar tejkalon fitimet e regjistruara në sezonin 2022–2023, kur Interi arriti finalen e zhvilluar në Stamboll. Në atë sezon, klubi kishte përfituar 101.3 milionë euro, ndërsa këtë herë shifra është ndjeshëm më e lartë.

Ky rezultat financiar i vendos zikaltërit në krye të listës së skuadrave italiane për të ardhura nga një edicion i vetëm i Ligës së Kampionëve në dekadën e fundit. Deri më tani, rekordin e mbante Juventusi për sezonin 2016-2017, me 110.4 milionë euro të përfituara nga rrugëtimi deri në finalen e humbur ndaj Real Madridit.

Finalja e Ligës së Kampionëve për sezonin 2024–2025 do të zhvillohet më 31 maj në stadiumin “Allianc Arena” në Mynih. Për Interin, ky është një tjetër kapitull i rëndësishëm në historinë e pjesëmarrjes ndërkombëtare, jo vetëm në aspektin sportiv, por edhe financiar, duke konfirmuar rolin e klubit si një aktor kryesor në futbollin europian.