E fundit!

08:44 Kronika

Moti i keq në vend/ Humb jetën elektriçisti

Moti i keq që përfshiu vendin mbrëmjen e së martës ka lënë...

Goli i jetës! Acerbi dhe historia si në filma, nga varësia ndaj alkoolit te lufta me kancerin

7 Maj 2025, 15:32, Sport CNA

Goli i jetës! Acerbi dhe historia si në filma, nga varësia ndaj

Thuhet shpesh se jeta shkruan skenarët më të pabesueshëm. Dhe kur lexon historinë e Francesco Acerbi-t, nuk mund të mos pajtohesh me këtë.

Në moshën 37-vjeçare, në minutën e 95-të të sfidës kundër Barcelona-s, ai shënoi golin e tij të parë në Europë. Dhe çfarë goli! Një gol që barazoi shifrat në 3-3 dhe e dërgoi ndeshjen në shtesa, aty ku Inter-i siguroi kualifikimin për në finalen e Champions League.

Inter-i do të synojë rikthimin në majat e Europës pas suksesit të vitit 2010, dhe në skuadër ka një nga më të fortët, jo vetëm në fushë, por edhe në jetë. Historia e jetës së Acerbi-t nuk është thjesht futboll, por një histori e denjë për film.

Është një sfidë me humbjen, dhimbjen, përballjen me vetveten dhe mbi të gjitha, ringritjen.

Nga fillimet e tij modeste në Pavia, te huazimet në skuadra të vogla si Renate dhe Spezia, rrugëtimi i tij kaloi nga Regina, Genoa e më pas Chievo, ku debutoi në Serinë A. Ëndrra dukej se u bë realitet kur u transferua te Milan-i.

Goli i jetës! Acerbi dhe historia si në filma, nga varësia ndaj

Por, jeta kishte përgatitur një rrugë të vështirë për mbrojtësin. Humbja e babait e zhyti në depresion dhe i krijoi varësi nga alkooli.

Në një rrëfim prekës, Acerbi u shpreh: “Më dukej sikur kisha harruar si luhej futboll. Alkooli ishte shpëtimi im. Kanceri më shpëtoi. Më dha një arsye të fortë për të luftuar.”

Po, ai u përball me kancerin e testikujve në vitin 2013, pak kohë pas transferimit te Sassuolo. U rikthye pas operacionit, por një test antidoping zbuloi rikthimin e sëmundjes. Pavarësisht se i nënshtrohej kimioterapisë, ai vazhdoi të stërvitej. Vullneti i tij e ktheu në simbol për tifozët dhe më gjerë.

Sot, Francesco është më shumë se një futbollist. Ai është zëri i atyre që luftojnë në heshtje. Ai viziton spitale, flet me fëmijë, jep intervista ku thekson se futbolli është vetëm një pjesë e jetës.

Në një vizitë të kombëtares italiane në një spital pediatrik në Romë, ndërsa të gjithë shokët u larguan, Acerbi qëndroi aty duke thënë: “Nuk largohem pa e përfunduar vizitën time. Le të ikin, unë do të marr një taksi.”

Goli i jetës! Acerbi dhe historia si në filma, nga varësia ndaj

Francesco Acerbi është shembulli për një mesazh të fuqishëm, se gjithmonë ka një dritë në fund të tunelit. Duhet vetëm vullnet për ta parë.

Pasi gjeti forcën që dëshironte dhe që i nevojitej, nga tetori 2015 deri në janar 2019, ai regjistroi 149 paraqitje radhazi në të gjitha garat, duke humbur vetëm për shkak të një përjashtimi të diskutueshëm.

Në vitin 2017, ai luajti më shumë minuta se çdo lojtar tjetër në Serinë A.

Në verën e vitit 2018, Lazio e bleu atë për të mbushur boshllëkun e lënë nga Stefan de Vrij. Me një prani udhëheqëse dhe aftësi për të ndërtuar lojën nga mbrojtja, ai u integrua në mënyrë të përkryer në sistemin 3-5-2 të Simone Inzaghi-t, përkrah Radu dhe Luiz Felipe-s.

Goli i jetës! Acerbi dhe historia si në filma, nga varësia ndaj

Lazio atë vit vendosi rekord në mbrojtje, me 16 gola të pësuar. Pas dëmtimit të Chiellini-t, Roberto Mancini i besoi Acerbi-t në ndeshjet kualifikuese të "Euro 2020". Ai nuk e zhgënjeu trajnerin e ekipit kombëtar, madje shënoi golin e tij të parë me ekipin kombëtar në fitoren 3-0 ndaj Bosnjës.

Tek Inter-i u transferua në vitin 2022, kur të gjithë mendonin se nuk kishte çfarë të jepte. Menjëherë ai fitoi vendin e titullarit dhe është kthyer në një lider të padiskutueshëm në mbrojtje.

Inter-i ka probleme kur Acerbi mungon, por kur ai rikthehet në formacion, rikthehet siguria në mbrojtje dhe jep ndihmë të madhe në sulm.

Marrë nga "tvklan.al".