Ikja e Beckenbauer/ Rummenigge: Ceremonia të bëhet në stadiumin e Bayern

8 Janar 2024, 22:43, Sport CNA

Ikja e Beckenbauer/ Rummenigge: Ceremonia të bëhet në stadiumin e

Julian Nagelsmann, trajneri i Gjermanisë, ka reaguar për lajmin e hidhur për ndarjen nga jeta të legjendës së futbollit Franz Beckenbauer.

“Kur Beckenbauer hynte në një dhomë, kishte një dritë ndryshe. Për mua Franz ishte lojtari më i mirë në historinë tonë. Mënyra se si ai e interpretoi rolin ndryshoi mënyrën se si ne luajtëm”, ka thënë trajneri.

Për ndarjen nga jeta të Beckenbauer kanë reaguar nga Rummenigge e deri te Ministri Soder, të cilët kanë shprehur trishtimin e thellë për humbjen e legjendës, të atij që u quajt simboli i futbollit.

Ngushëllimet:

“Bota e Bayern nuk është më ajo që ka qenë gjithmonë. Papritmas është më e errët, më e varfër. Pa Kaizerin ky klub nuk do të ishte bërë kurrë ai që është”, shkruan klubi bavarez.

Një vlerësim të madh për Kaiserin kanë patur dhe klubet rivale.

“Borussia Moenchengladbach mban zi për vdekjen e një prej kampionëve më të mëdhenj të të gjitha kohërave”, shkruan Gladbach, duke publikuar një foto të Beckenbauer me Gunter Netzter, me të cilin në vitet 1970 kanë qenë sfida të paharrueshme.

Në faqen e saj zyrtare, Dfb thekson se Kaiser “është figura kryesore e futbollit gjerman. Si lojtar ka veshur fanellën e kombëtares 103 herë, në 50 raste ka qenë kapiten”. Edhe drejtori sportiv i Dfb, Rudi Voeller, shprehu mendimin e tij për humbjen e madhe: “Franz ishte frymëzimi për më shumë se një brez futbollistësh. Ai do të mbetet gjithmonë drita e futbollit gjerman”.

Po ashtu dhe ministri bavarez, Markus Soder, i trishtuar reagoi për vdekjen e Beckenbauer.

”Mund të them se ai ishte kampion si lojtar, trajner dhe mbi të gjitha si njeri”.

I trishtuar Uli Hoeness, i cili e kishte njohur prej një jete: “Franz ishte personaliteti më i madh që ka pasur ndonjëherë Bayern. Thjesht i paharrueshëm. Ai ishte një mik, një dhuratë për të gjithë ne. Pusho në paqe”.

Ngushëllimeve për ndarjen nga jeta të Kaizerit i është bashkuar edhe Rummenigge: “E gjithë bota e futbollit qan mikun tonë Franz. Bayern duhet të organizojë një ceremoni lamtumire në stadiumin që, pa të, nuk do të kishte qenë kurrë”./ CNA