web counter
LEXO PA REKLAMA!

SHKARKO APP

App Store
Google Play

“Shuarja” e legjendës së futbollit, Franz Beckenbauer/ Duka: Lamtumirë perandor

8 Janar 2024, 21:54, Sport CNA

“Shuarja” e legjendës së futbollit, Franz Beckenbauer/

Presidenti i FSHF-së, Armand Duka ka reaguar pas lajmit të hidhur për ndarjen nga jeta të legjendës së futbollit Franz Beckenbauer.

Duka, shkruan se Beckenbauer ishte një figurë emblematike dhe do të mbetet në kujtesë si një nga lojtarët më elegantë dhe më të papërsëritshëm në historinë e futbollit.

“Lamtumirë Perandor”, përfundon reagimin e tij Duka.

“Bota e futbollit, Gjermania dhe tifozët humbën sot një prej simboleve të kësaj loje të mrekullueshme. Shkëlqimi i futbollit gjerman dhe ylli botëror Franz Beckenbauer u nda nga jeta duke lënë pas një trashëgimi të madhe. Ai u shndërrua në legjendë. Fitoi titujt kampion i Europës dhe i Botës si futbollist, ndërkohë që fitoi Botërorin edhe si trajner në vitin 1990. Në nivel klubesh fitoi gjithçka me Bajernin e Mynihut si edhe dy “Topa të Artë”, diçka e rrallë për një mbrojtës. Beckenbauer mbetet në kujtesë si një nga lojtarët më elegantë dhe më të papërsëritshëm në historinë e futbollit. Figurë emblematike, jo vetëm për Gjermaninë, por edhe për Europën, që gëzonte një popullaritet të jashtëzakonshëm, i pagëzuar me nofkën “Der Kaiser”. Lamtumirë “Perandor”, faleminderit për gjithçka i ke dhënë futbollit!”, shkruan Duka./ CNA





Lajmet e fundit nga