web counter
LEXO PA REKLAMA!

SHKARKO APP

App Store
Google Play

Gvozdenoviç kërkon dy serbë te Skënderbeu, një mbrojtës dhe një mesfushor

8 Dhjetor 2022, 18:31, Sport CNA

Gvozdenoviç kërkon dy serbë te Skënderbeu, një

Te Skënderbeu po punojnë në dy drejtime. Jo vetëm në fushë, por edhe në zyrë. Prioritet është marrja e maksimumit të pikëve në tri ndeshjet e mbetura të fazës së parë, por jashtë vëmendjes nuk është lënë as merkatoja.

Me janarin që po afron, bardhekuqtë duan që të përforcojnë organikën dhe të shtojnë forcën ekipit.

Korçarët janë një hap para për këtë pjesë, pasi kanë nisur tashmë negociatat. Kanë piketuar lojtarët e parë që mund të hyjnë në punë për pjesën e dytë të sezonit.

Kriter i padiskutueshëm është eksperienca, ndaj po tentojnë që të marrin elementë që do t’i japin garanci për misionin “Superiore”.

Panorama Sport ben me dije se nën vëzhgimin e klubit janë edhe dy futbollistë serbë të propozuar nga vetë trajneri.

Bëhet fjalë për një mbrojtës qendre dhe një mesfushor, por emrat për momentin mbeten “mister”.

Ato janë njohje të vjetra të teknikut 44-vjeçar të Skënderbeut dhe beson se mund t’i shërbejnë.

Gjithsesi, i sigurt është fakti se lëvizjet për momentin janë shtyrë për në janar, kohë kur Skënderbeu do të hidhet në merkato sipas kërkesave të trajnerit.

Deri atëherë bisedimet pritet të vijojnë. Por ajo që mbetet me prioritet për korçarët, është marrja e rezultateve pozitive në 270 minutat e mbetura.





Lajmet e fundit nga