web counter
LEXO PA REKLAMA!

SHKARKO APP

App Store
Google Play

Guardiola: Fatkeqësisht ky është “Anfield”, tifozët tentuan të më godisnin

17 Tetor 2022, 15:46, Sport CNA
Guardiola: Fatkeqësisht ky është “Anfield”,
Pep Guardiola

Pep Guardiola ka humbur 11 ndeshje përballë Jyrgen Klopit në karrierë, të paktën katër më shumë se ndaj çdo rivali tjetër. Trajneri i Mançester Sitit u ankua për atmosferë të dhunshme në “Anfield Road” dhe se tifozët u përpoqën ta godasin me sende të forta në stol.

“Ky është ‘Anfield’. Çdo herë që vjen këtu këto kohët e fundit… fatkeqësisht ky është ‘Anfield’. Ne luajtëm një ndeshje shumë të mirë, por ky është një duel ku diferencat janë shumë të vogla dhe gabimet ndëshkohen. Ne bëmë një gabim dhe prandaj e humbëm ndeshjen. Luajtëm për ta mundur Liverpulin. Pas 1-0 tifozët po ulërinin, por po ulërinim më shumë ne në fushë.

Goli i anuluar? Arbitri erdhi në stol dhe na tha ‘loja vazhdon, loja vazhdon’ por kishte një milion faulle si ky, por ai u akordua sepse ne shënuam një gol, ndryshe nuk do të ishte faull. Ne humbëm sepse bëmë një gabim, por ky është ‘Anfield’. Tifozët goditën me monedha dhe sende të tjera, por fatmirësisht nuk më prekën. Ndoshta herën tjetër do të kenë shënjestër më të mirë”, tha tekniku katalanas.

“Ne patëm mjaftueshëm raste, disa ishin fantastike. Gjatë gjithë ndeshjes ishin të zotë, luajtëm ndeshjen që duhet të luanim dhe nuk kam asnjë ankesë apo peng se si duhet ta kishim bërë. I patëm rastet, por nuk i shfrytëzuam ato. Bëmë një punë të mirë për të mos lejuar tranzicionet e tyre. Në përgjithësi treshja e mbrojtjes ishte e shkëlqyer. Pas golit atmosfera e krijuar në ‘Anfield’ ndihmoi Liverpulin. Ky është ‘Anfield’. Por përpara golit atmosfera ishte në rregull”, përfundoi Guardiola.





Lajmet e fundit nga