web counter
LEXO PA REKLAMA!

SHKARKO APP

E fundit!

x

Goditja ndaj Tedi Carës, reagon klubi i Kukësit

19 Shtator 2022, 19:49, Sport CNA

Takimi mes Kukësit dhe Partizanit i mbyllur me shifrat 1-2, nuk kaloi pa episode ku për fatin e keq u dëmtua dhe futbollisti Tedi Cara i Partizanit. Cara ishte lojtari që realizoi një gol të shkëlqyer nga goditja e dënimit ku i dha avantazhin Partizanit.

Lojtari u godit me mjete të forta nga tifozeria ku pësoi një dëmtim të konsiderueshëm në kokë. Cara u dërgua menjëherë në spital ku mori dhe mjekimin e nevojshëm e më pas u rikthye në pankinë. Kjo ngjarje e ashpër ka sjellë dhe reagimin e klubit të Kukësit.

“FK Kukësi dënon ashpër ngjarjen e ndodhur sot në “Kukës Arena”, aty ku tifozët tonë goditën sulmuesin e Partizanit, Tedi Cara i cili pësoi dëmtim të konsiderueshëm në kokë. Klubi i Kukësit distancohet nga kjo ngjarje e turpshme e tifozerisë dhe i kërkon falje sulmuesit Cara dhe klubit të Partizanit e njëkohësisht i uron shërim të shpejtë lojtarit.
Futbolli është një sport për të bashkuar dhe në një qytet si Kukësi që karakteristikën kryesore ka mikëpritjen, sjellje të tilla nuk kanë hije.
Klubi i Kukësit i bën thirrje Policisë së Shtetit dhe autoriteteve kompetente duke iu ardhur në ndihmë me pamjet filmike të stadiumit që të japin dënimin sipas ligjeve për autorin e këtij incidenti.
Zyra për shtyp
Futboll Klub Kukësi”.

 

 
 
 
 
 
View this post on Instagram
 
 
 
 
 
 
 
 
 
 
 

 

A post shared by FK Kukësi (@fkkukesialbania)





Lajmet e fundit nga