“Kura” Dobi nuk bën efekt, Partizani fiton në Kukës dhe rimerr kreun e Superiores

19 Shtator 2022, 17:06, Sport CNA

Partizani

Partizani merr një fitore të çmuar 2-1 në transfertë përballë Kukësit dhe ngjitet i vetëm në krye të renditjes së Abissnet Superiore.

Miqtë kalojnë të parët në avantazh me Carën, Daci barazon shifrat në pjesën e dytë, por Bitri vulos fitoren e Partizanit në këtë sfidë.

Skuadra e Colellas ngjitet në krye të renditjes në kuotën e 12 pikëve, ndërsa Kukësi mbetet në fund të tabelës së klasifikimit me vetëm 2 pikë në 5 javë kampionat.

Kukësi-Partizani 1-2 (Daci 48’ /Cara 14’, Bitri 73’)

90+2’ Kukësi provon me Taipin nga një goditje dënimi pranë zonës, por gjuajtja e tij ndalet në murin mbrojtës

90’ Aksion i gjatë i Kukësit, por mbrojtja e Partizanit është një “mur” që nuk çahet. Akordohen 4 minuta shtesë

85’ Rrezikon sërish Partizani me Skukën, por Tafas grushton në këndore

73’ GOOOOOOOOOL Bitri kalon në avantazh Partizanin. Mbrojtësi godet me kokë dhe dërgon topin në rrjetë

70’ Provon edhe Rrapaj nga distanca, por gjuajtja e tij përfundon mbi traversë

69’ Provon Bitri me Kokë por gjuajtja e tij pritet pa problem nga Tafas

67’ Ka rënë pak ritmi i lojës në këtë pjesë të dytë, por tashmë skuadrat janë hapur. Kukësi sheh më shumë drejt sulmit, por edhe Partizani zbret rrezikshëm sa herë që ka mundësinë

59’ Mundësi e mirë për Kukësin. Moraes godet por grushton në këndore Rexhepi

57’ Mundohet edhe Partizani të reagojë. Provon Telushi nga një goditje dënimi, por topi devijohet dhe përfundon në këndore.

51’ Vendasit marrin zemër nga goli i shënuar dhe hidhen në sulm në kërkim të golit të avantazhit. Kukësi po dominon këto minuta dhe ka mbyllur Partizanin në gjysmëfushën e vet

48’ GOOOOOOOOOL Barazon Kukësi. Një zbritje e shpejtë nga e majta, Daci futet në zonë dhe mposht portierin Rexhepi. Kthehet baraspesha në Kukës Arena

46’ Nis pjesa e dytë në Kukës

Mungon ambulanca në stadium, prandaj nis me disa minuta vonesë pjesa e dytë në “Kukës Arena”

45+4’ Mbyllet me fitoren e Partizanin pjesa e parë në “Kukës Arena”. një gol i bukur i Carës nga goditja e dënimit ka vendosur fatin e kësaj sfide. Loja ka qenë e luftuar, por kanë munguar rastet e pastra për shënim

45’ Është sërish Ndreca që provon nga distanca dhe gjuajtja e tij kërcënon portën e Rexhepit

45’ Akordohen 4 minuta shtesë

41’ Cvetanoski godet nga distanca por gjuajtja e tij është mbi kuadrat

39’ Provon nga distanca Ndreca, por gjuajtja e tij kalon ngjitur me shtyllën e mbrojtur nga Rexhepi

34’ Është ulur ndjeshëm ritmi i lojës. Ka shumë faulle dhe ndërprerjeje dhe asnjë nga skuadrat nuk arrin që të krijojë raste të mira shënimi

28’ Aksion i bukur i Kukësit nga e djathta e sulmit, por topi është shumë i lehtë dhe përfundon në duart e portierit Rexhepi

25’ Është tensionuar disi loja në Kukës, pasi ka ndërhyrje të ashpra në mesin e fushës. Vendasit nuk po arrijnë të reagojnë dot pas golit të pësuar

21’ Bytyçi merr kartonin e parë të verdhë të sfidës, pasi ka bërë një ndërhyrje të parregullt në mesfushë

17’ Rifillon loja në Kukës, por Cara duket se do të zëvendësohet, sepse ka pësuar një të çarë poshtë syrit dhe në vend të tij do të futet në lojë Cvetanoski

14’ Loja është ndalur sepse është goditur me shishe nga tifozët shënuesi i golit. Cara po merr ndihmën mjekësore

14’ GOOOOOOOOL. Shënon Partizani. Tedi Cara kalon në avantazh miqtë me një supergol nga goditja e dënimit. Topi godet shtyllën dhe më pas përfundon në rrjetë

10’ Kalojnë 10 minutat e para të ndeshjes, që deri më tani nuk ka prodhuar asnjë rast të pastër për shënim. Loja është e përqendruar në mesfushë, por asnjë nga skuadrat nuk arrin që të dominojë kundërshtarin

5’ Minuta të qeta në Kukës. Luftohet fort në mesfushë, por asnjë nga skuadrat nuk arrin që të shfaqet rrezikshëm në zonën kundërshtare

1’ Nis ndeshja në “Kukës Arena”

Rezultatet e dobëta në katër javët e para të kampionatit (asnjë fitore) i kanë kushtuar vendin e punës teknikut Skënder Gega dhe sot në krye të pankinës së Kukësit do të debutojë trajneri i ri Enkelejd Dobi. Vendasit synojnë kthesën e madhe përballë Partizanit, duke kërkuar fitoren e parë në kampionat. “Të kuqtë” janë surprizuar nga Erzeni javën e kaluar, duke pësuar humbjen e parë në kampionat, pas tre fitoreve radhazi në Abissnet Superiore. Djemtë e teknikut Colella kërkojnë të rikthehen te suksesi, që do ti ngjiste në të vetëm në krye të renditjes.