web counter
LEXO PA REKLAMA!

SHKARKO APP

App Store
Google Play

Gjasula: Jam aktivizuar në mbrojtje, nuk mund të gëzohemi për mungesat e Izraelit

20 Shtator 2022, 14:19, Sport CNA
Gjasula: Jam aktivizuar në mbrojtje, nuk mund të gëzohemi
Klaus Gjasula

Kombëtarja shqiptare e futbollit luan më 24 shtator me Izraelin (transfertë) dhe më 27 me Islandën ("Air Albania"), për ndeshjet e Nations League. Nga grumbullimi kuqezi, mesfushori i Shqipërisë, Klaus Gjasula, ka folur për mediet.

“Besoj që e kemi treguar se dimë të fitojmë ndeshjet dhe se kjo është një ndeshje e rëndësishme. Të jemi optimistë për tri pikët. Ne kemi mungesa, por edhe ata kanë problemet e tyre. Kanë ndryshuar shumë gjëra. Ne kemi kualitet për të fituar ndeshjet.

Është vështirë të themi që “sa mirë kanë mungesa”, se nuk e dimë si do luajnë pa të dhe kush do luajë në vend të tij. Ne duam të bëjmë maksimumin duke parë vetëm veten tonë.

E dimë që është e rëndësishme, i dimë rregullat dhe çfarë mund të arrijmë me këto gjashtë pikë. Kemi Izraelin, të fitojmë që të përqendrohemi vetëm aty. Te klubi im trajneri më futi në mbrojtje dhe nuk jam larguar nga ai pozicion. Nuk e di se si trajneri i ka planet për mua në Kombëtare.

Dështim pa 6 pikë – Ekipet e tjera janë të mira, jemi në një nivel. Ne duam t’i fitojmë të dyja, të japim maksimumin dhe të shohim çfarë do të dalë”, tha Gjasula.





Lajmet e fundit nga