web counter
LEXO PA REKLAMA!

SHKARKO APP

App Store
Google Play

E fundit!

x

Festë kuqezi/ Shqipëria dominon Moldavinë dhe merr tri pikët e para në grup

17 Qershor 2023, 22:43, Sport CNA

Festë kuqezi/ Shqipëria dominon Moldavinë dhe merr tri pikët

Shqipëria nuk gabon në “Air Albanian”-n e mbushur plot me tifozë (20.944), mposht 2-0 Moldavinë dhe merr fitoren e parë në këtë fushatë eliminatore të kampionatit Europian 2024.

Kuqezinjtë dominojnë totalisht sfidën, por arrijnë të thyejnë murin moldav vetëm në pjesën e dytë. Jasir Asani zhbllokon ndeshjen duke shënuar një supergol, ndërsa pak minuta më vonë është Nedim Bajrami ai që realizon golin e sigurisë. Për të dy lojtarët ishte goli i parë me fanellën e Kombëtares.

Trajneri Silvinjo hedh në fushë një skuadër sulmuese dhe duket qartë që Shqipëria do të fitojë me çdo kusht këtë ndeshje. Moldavët janë mbyllur në mbrojtje dhe kuqezinjtë dominojnë lojën dhe shfaqen rrezikshëm në portën kundërshtare. I pafat Cikalleshi, pasi traversa i mohon golin. Edhe Bajrami i afrohet golit të avantazhit, por pa arritur të gjejë rrjetën. Mbyllet në barazim pa gola pjesa e parë.

E njëjta tablo shfaqet edhe në pjesën e dytë. Shqipëria kërkon me ngulm golin e avantazhit dhe është Asani ai që shënon një supergol dhe në stadium shpërthen festa. Moldavia kërkon të reagojë dhe fillon të sulmojë. Loja është e bukur dhe ka raste në të dyja portat.

Bajrami shënon golin e dytë për kuqezinjtë dhe vulos përfundimisht fatin e kësaj ndeshjeje. Shqipëria debuton me fitore në shtëpi dhe merr tri pikët e para në grup.





Lajmet e fundit nga